مذاق الحرمان

بارت 11

الكاتبه فخر العراق
مذاق الحرمان

لا تنسون التصويت ⭐

وبكيف الظروف نعيش محد عايش بكيفه .♕
...........................
حسين..
_افضل الي من هاي العيشه
_حسين كااافي هذا مستقبلك تريد تروح اديح
_هوة وينه الحاضر حتى انتاني المستقبل بس فهميني اشو من يوم الصرت لهذا اليوم حصار العراق انوب رجع علينه حصار محمد ترة اني صرت جبير من حقي لا يقبل ينطي ولا انتي تخليني اشتغل
_يا حبيبي دراستك اهم
_يمه شو عوفينه من الدراسه شراح اسويلنه مثلا بس نتعب وانوب نتخرج ونشتغل عماله هوة هذا الخريج بلعراق

_ذولاك ما كملو على الاقل انتم صيرو بيكم حض واخذو شهادة مو كلكم تشتغلون

_اي نصير بينه حض هوة لو عدنه حض ما صرنه بنص الحصار ومن حرب الحرب وابونه مات واحنه زغار حتى شكله نسيته وكاتلنه الجوع هوة هذا حضنه اني اگلج ما يتغير

طلعت من الغرفه وامي اصيح وراي عفت البيت وطلعت امشي بشارع واصفن وين راح يوديني الوكت شلون بينه

امشي وصافن ما ادري وصاح عليه نوميه
_ابو حربه راح اروح للملعب تجي
_لا ما اروح ما الي خلگ
_انجب ولا اصير نفسيه راح نروح كلنه وصيح كرير ابو راس وياك
_تردون تاخذونه اخذو اني ما بيه حيل
بسام.. تخاف من اخوانك
_لا ما الي دخل بيهم بس اني ما الي خلگ شويه ضايج
سمسم.. حطيت ايدي على جتفه واحجي ويا..
خيرك ابو حربه معقوله ضايج واحنه موجودين ترة الدنيا ما تسوة

_احس الدنيا جاي تخنگ بيه شويه شويه المن صرت بهاي الدنيا واني ما عايش مثل الناس
دگ على جتفي وهوة يحجي..
نوميه.. لا تگول هيج احنه موجودين بكل وكت تره كل احنه طايح حضنه هاي اني گدامك ثاني ابتدائي وبطلت واني هسه عمري 13 سنه واشتغل يوم حمال يوم عماله وهاي الدنيا شنسوي
وهوة يمثل
سمسم.. كافي مو راح ابجي

_ههههه

بسام.. راح اصير كرار واجي

دگيت الباب وطلع حيدر
حيدر.. شتريد
_الناس اسلم حداري شجاك ترة ما متعارك وياك
_احجي من الاخير ترة ما الي خلگك
_گعدت بمستوة لان جان عمرة 6 سنين..
شبيك ضايج
باوعت على خدة احمر
_هذا شبي خدك
گتله هيج وگام يبجي
حضنته واني اريدة بس يسكت
_كاافي حدور شبيك احجي منو وياك
_محمد
_هم محمد شسوة هل مرة
_طگاني
_ليش
_كسرت المزهريه العلى جربايته وزينب گامت اصيح عليه وتغلط واجه محمد كتلني
_استتغفر الله، كافي لا تبجي روح صيح كرار وتعال ويانه راح نروح للملعب
_راح يركض صحت ورا
_حدوري گول لمك اله تجون
_اي راح اگلها

بقيت اباوع عليهم وهمه يتعذبون من ورة اخوهم هذا كله بسبب القهر ويذب حرگته بيهم شنو ذنبهم اذا هوة الجبير ولازم يربيهم بس تربيته كلها غلط