الكاتبه فخر العراق
مذاق الحرمان
بنص وطنه ونحلم نعيش بوطن ..♡
..........................
صديقه..
مرة عليه رحنه اني وياها للنسوان طبينه منطقه بيوتها كلها مو زينه وگفنه يم الباب دگته وطلعت الهه بت سمرة كلش طببتنه لگينه هواي نسوان
گعدنه شويه واجت مرة ضخمه شكلهه يشبه شكل الافريقين
حجت وياها ام سالم على الموضوع
من شفتها خفت حيل هاي شنو شلون راح ابقى عايشه جواها
اخذتني الغرفه وبقت تضرب بيه برجلها على بطني الالم موتني صحت عليها اله وخرت واني متمددة بلگاع وميته من الوجع اجت عليه ام سالم
_ها خو ما توجعج
_هوة شنو المايوجعني رفست بطني رفسها الحمزة موتتني
_غير انتي ما تردينه
_جا شسوي متگليلي خلينا نرجع للبيت الجهال وحدهم
طلعنه من البيت واني ميته من الوجع والغريب لا طلع مني دم ولا صار شي
رجعت للبيت واخذتلي اسبوع اشيل اشياء ثگيله في سبيل بس يطيح بس الله اله رئي ثاني
رحت لم سلام جيرانه وبنفس الوقت گرايبنه بس من بعيد فرق بيناتنه سبع بيوت رحت الها وحجيت كلشي الها
ام سلام.. خيه شلج بهل الورطه عوفي يجوز الله يفرجها جاي ادمرين نفسج ولا يصير برحمج شي
_والله حايرة شلون اربي هاي الولد شيربيها فهميني
_الله موجود طلعي سالفه اذبين الطفل وهيه تنحل
_انوبه الجهال ادمر مستقبلهم محمد وسليم ثنينهم بطلو وگامو يشتغلون ويه ابوهم
_جا شنسوي هيه هاي الدنيا
خليني اروح اخرتج عن شغلج
_لا يمعودة شلقصه
*طبعا ام سلام تشتغل خياطه
رجعت للبيت واني حايرة لو اجه شلون اربي راح يشبع ضيم والحصار من جهه
صار الي سبع اشهر بلحمل وجواد مو طبيعي وجها اصفر ويختنگ خفت علي كلش
اخر شي جبرته بلگوة انروح نحلل ونشوف شبي رحنه اني ويا وكملنه تحاليل بقينه بساعه منتظرين وگلبي ما مرتاح طلع الدكتور مبين من وجها اكو شي
جواد.. شطلع وياك دكتور
_والله ما ادري شگلك بس الله يشافيك ان شاء الله طلع عندك مرض خبيث بلاعيمك وانت بعد تدري شلونها العلاجات بلعراق والوضع
راح واني مصدوم من الخبر مرض خبيث اخطر مرض گعدت على الكرسي وكاض راسي وحاير لو صار بيه شي هاي الجهال شلون منو يربيها شلون راح تعيش
گعدت يمه واني بهاي الحظه احس الدنيا كلها انسدت بوجهي شلون راح يطيب جواد فلوس منين للعلاج الجهال شلون خاف اخسرة وين اروح اخوانه عدل وما يسئلون علي لو مات شلون
دخيلك ربي شلون بينه افرجها علينا
_صديقه ديري بالج على الجهال ما باقيلي شكم يوم واموت
_كاافي جواد لا تحجي هيج انت ما راح تموت راح تتعالج وترجع مثل قبل
_سولفي هذا الحجي على الحايط
_جواد لا تحجي هيج فدوة ان شاء الله تتعالج ليش،تأيس من رحمه رب العالمين
أنت تقرأ
مذاق الحرمان
Fiksi Umumامراءة خلدها التاريخ واجهت صعوبات الحياة بمفردها واجهت العراق بمفردها هل تستطيع ان تربي 8 ايتام بمفردها؟ هل تستطيع التصدي لحروب العراق؟ هل تستطيع حمايه ايتامها من السوء؟ هل تستطيع مواجهة الفقر بمفردها؟ هل تستطيع مواجهه المصائب في العراق؟ من...
