مذاق الحرمان

بارت 13

الكاتبه فخر العراق
مذاق الحرمان

لاتنسون التصويت على البارتات ⭐
..........................................
ابو حربه..
رحت علي شبعته بوكسيات صارت بيناتنه لحم وكل واحد الدم ترس وجها
شويه واجه سليم ومحمد يركضون من شفتهم گلت لا هاي هيه راح يفشلوني ويصيرون وياهم

بس الحمدلله صار وياي

وگف محمد گبال الولد التعاركت ويا وگام يرزل بي

_انتم ما تستحون ما تخجلون گلنه جيران وعيب نتعارك وياكم بس هسه وصلت حدها كافي سكتنالكم هواي يوميه بايگين الحمامات والديج الضاع ادري بي عدكم بس اني سكتت گلت عيب من الناس

وگف متخوصر ويحجي..
_وهسه شتريد ادفعلك فلوس الحمامات الكاتلين ارواحتكم عليهن احب اگلك هذا المطيرجي لازم يتحمل
اباوع على محمد شلون تنرفز من كلامه وهوة شلونه منا هجم علي يضرب بي واخوانه يضربون بمحمد راح سليم يريد يطلع محمد وهوة ولا جنه من شفتها هيج طبيت وياهم
التمت علينا الناس والولد بلگوة فلتونه باوعت على كرار الدم ينزل من گصته
رحت علي واني امسح بلدم من حلگي
_منو طگاك كرار
اشرلي على الولد وهوة يحجي
_هذا الجلب راد يطگك بلحديدة على راسك دفعته وطگاني بگصتك
_يالله ميخالف غير انت اخوي
_اي لا هاي هيه يوميه متعاركين من وراك گمت حتى ما اطلع من وراك لاي مكان

محمد.. اسمعو ولكم تخسرون الحمام كله الاخذتو يا ترجعونه والبزون السممتو
_لو تموت ما ارجعهن هنه طاحن بلسطح مالتنه وصارن النه
راد يروحله محمد والولد بلگوة لازمينه
_هدوووننني خليني اربيهم هذوله الدايحين
_ما دايحين غيركم انتم

اجت امي وگفت گبالهم وگامت ترزل بيهم
_احنه ما نخلص ما يمر يوم ما تتتعاركون ما تبطلون سوالفكم
_خاله ربي ولدج
_ولدي مرباين وغصبا على اليرضه والمايرضه سمعتو لو لا

رحت عليها اريدها تسكت گامت اصيح عليهم بشارع تگول رجال..
_يممه عوفيهم خيولون
نفضت ايدي وحجت بعصبيه..
_وخر عني انت خليني اردهم الضاهر ما الهم رداد

اجه رجال جبير سيد بيته صاير گبال بيتنه

_ام محمد شنو السالفه عود انتي تحلينها اجيتي تعاركين وياهم اخذي الولد ورجعي البيتج
_مو اني طگ گلبي بعد ما اتحملهم حاطين گورهم وگور الولد
_حسبيها عليه انتي روحي واخذي الولد واني احجي وياهم

راحت امي ورحنه وراهم طبينه للبيت وراح كرار يغسل بوجها كله دم رحت اله عقمته وشديته

كرار.. ابو حربه اغسل حلگك كله دم

_غسلته واشوف سن من سنوني طاح بيدي
كرار.. ولك سنك مكسور
_كسرهم الحمزة ان شاء الله
_هههه يالله يرادلك قاصه اجمع بيها علمود كل ما اطب عركه راح يروح منك شي هل مرة سنك واني گصتي راحت من وراك المرة الثانيه الله اليعلم