الليلة أنا ما ح اخليك
=داير مني شنو أنا أنا عملت ليك شنو
_لازم تموتي
=خليني في حالي أحسن ليك تبعد مني ما تلمسني
=إنتِ مرتي وأنا بعمل فيك الداير تعملي مش وريتك ما تطبخي لي الأكل كدا ما تكتري الملح مش وريتك ما بتفهمي إنتِ الليلة ما بخليك الليلة بقتلك أنا ....موتك على يدي
أسمع أسمع أنا ما قصدي ازيد الملح والله العظيم ما شفت إنو زايد ..ك ك كدي ادقو....
_هسي مالو؟! ما طعمو كويس
=بتغالطيني أنا الليلة ما بخليك ...كيف تغالطيني أنا سمحت ليك تدوقي أنا منو السمح ليك بي كدا
سليمان أسمع أنا ما قصدي اغلطك بس كان قصدي .. سليمان أنت بتعمل شنو ...فكني ما تلمسني زح السكين لا ما تسخنها لا بعد من يدي ما تتشني بيها سليمان . لااااااااااااا
""""
صرخة كبيرة دوت علي البيت
=بسم الله بسم الله صابرين مالك
_امي سليمان داير يضربني تاني
(ضمتها عليها) كر على يا بتي من الكوابيس البتجيك حسبي الله على العملوا فيك لا حول ولا قوة إلا بالله
=أمي أنا خايفة هسي ح يجبني أنا بعرفو
=يابت قولي بسم الله الزول ده في السجن بجيك كيف
_بجي بجي أقفلي الشباك بعرفوا أنا
=لا حول ولا قوه الا بالله ... ربنا يزح منك الوجع ده ربنا يشفيك يا بتي
_مفتكراني مجنونة أنا يا أمي أنا ما مجنونة .. أنا بس ما دايراهو يجيني
=ما يجيك يا بتي بس إنتِ قولي بسم الله
(مسحت علي شعرها لحدي ما صابرين نعست ونامت) براحة قامت منها وطلعت وهي تبكي...محمد كان جاي من برا وظاهر عليهو الحزن قال ليها: كيف هي...قالت لي بي بكاء البت جنت خلاص حسبي الله من الكان السبب...
=ما تخافي يا أمي إن شاء الله ح تكون كويسة
_إن شاء الله يا ولدي
الأم مشت على المطبخ ...محمد قعد في الكرسي وكان منزل راسو ويمسح شعرو بي يدو وقال أحسن ااجل الخطوبة مرة تانية ما وقتو أختي ما كويسة...شال تلفونو وضرب لي أسعد....
_اووو محمد كيف حالك اتذكرتني يا دوب
=اهلي أسعد كيفك انت وكيف منولة وحمودي
_والله كلهم كويسين اسمعني داير اقول ليك حاجة
=....
_والله يا أسعد انا ما بي مراضي اقول ليك كدا بس الخطوبة مابقدر اعملها الاسبوع الجاي
