يمكن من اكعب الالفاظ البنواجهها انو يقولوا ليك انت ما راجل
في الحظة دي كنت داير اضربو واوريهو الرجالة بس كدا بزيد الموضوع تعقيد كنت زعلان شديد وما عندي حيل عشان اتناقش مع امونة... لي وهلة خفت إنها تخليني بس أنا كان رديت ليها ممكن الخلاف ده يتعمق زيادة عشان كدا قلت أحسن أمشي لمن اروق ارجع تاني
هو أنا بقدر من غيرها 💔
رجعت البيت وأنا من كترة الضيق ما شايف قدامي بس قبل ما ادخل شفت يوسف واقف يتكلم مع صابرين....
ما حسيت بي نفسي إلا وأنا بتكلم معاهو وبجرو من لياقتة قميصو
بعد قفلت الباب عاينت لي صابرين وعيوني شرار
قلت ليها :البخليك تقيفي مع يوسف شنو إنتِ أصلاً لي اديتيهو وش مش الف مرة وريتك الزول ده ما يجي هنا
بقت تبكي وتعاين لي... قلت ليها: ما تعايني لي كدا أنا ما قاعد احكي ليك قصة عشان تعايني لي كدا
في الحظة دي سمعت صوت يوسف وهو بق الباب
ياخ ده داير شنو قالي: افتح الباب خلينا نتفاهم
مشيت علي جهه الباب وفتحتو قلت لي : نتفاهم في شنو؟ صابرين ما عندها طلعة معاك وخلصنا
قال لي: بس هي مرتي ويحق لي إني اسوقها معاي
قلت لي: ما ح اخليها تطلع من هنا شبر
-بس أنا ماشة معاهو
عاينت لي صابرين بي صدمة قلت ليها: نعم! عيدي القلتي
قالت لي وهي تبكي أنا ماشة معاهو
اتعصبت شديد جيتها مندفع قلت ليها: كدي تاني أسمعك تقولي كلامك ده وإلا كان ما كسرت راسك
يوسف جاء ووقف قدامي وقال لي إذا هي راضية خليها على راحتها يا محمد
قلت لي بي صوت عالي ما بخليها تمشي لي زول اتخلي عنها من أول مشكلة إذا أنت من أول مشكلة بيناتكم عملت كدا تاني ح تعمل شنو؟ أنا ما برمي اختي في الجحيم واقعد اتفرج
يوسف قالي : محمد اسمعني انا فاهمك وحاسي بيك وعارف إني غلط والانسان ما معصوم من الغلط بس آنا جيت هنا عشان ارجعها خراب البيوت ما كويس شغل عقلك يا محمد
قلت لي: أنا كان ما مشغل عقلي كان قلت ليك كدا؟! صابرين ما ح تطلع معاك وخلاص انتهينا
يوسف سكت مسافة وتاني عاين لي صابرين وقال ليها : هسي شكلو أخوك مضايق وم ح يفهمني لمن يروق بعدين ح ارجع ليكم
قلت لي : برضو كلامي واضح ما ح ترجع ليك
ابتسم لي وقال نشوف بعدين وطلع طوالي
مشيت قفلت الباب وجيت وقفت جنب صابرين قلت ليها: تاني ما أسمعك تقولي دايرة ارجع لي عشان ما ازعل منك
