كنت متمحنة ما عارفه أعمل شنو ولا اسوي شنو....شلت تلفوني ضربت لي أسعد اكتر من تلات مرات ما كان برد ضربت لي المرة الرابعة قفل في وشي بقيت أبكي هو بكون لسه زعلان من العملة العملتها بس أنا والله ما كان قصدي بس كنتَ دايرة أندم أبين
رسلت لي أسعد رسالة..
"أسعد أنا محتاجة ليك"
ما تم دقيقة إلا وهو ضرب لي فتحت الخط طوالي...قالي: مالك يا أمونة في شنو...ماعرفت أقول لي شنو بس قعت ابكي...قالي بي حدة ضربك تاني صاح أصلاً هو غير يضربك مافالح في حاجة... احكي يا أمونة ما تتجننبني...قلت لي وأنا أبكي...تعال يا أسعد انا مخنوقة....قال لي: مالك عمل ليك شنو تاني
قلت لي: تعال بس وقفلت الخط هو ما حاول يرجع لي ...
كنت بفكر في الغلطة الأنا عملتها... أبين هسي مع ياسمين ظاهر بس لي ياسمين بتعمل فيني كدا أنا مش كنت صحبتها هي براها..رشحتني ليهم طيب الحركات دي شنو؟!
شلت تلفوني وضربت ليها خمس مكالمات عديل رسلت ليها رساله
"والله يا ياسمين كان ما رفعتي الخط ده ح افضحك قدام اهلك وأقول ليهم جارية ورا راجلي"
ماتمت خمس دقائق رجعت لي قالت لي بي خوف
=امونة ده كلام شنو البتقولي فيهو ده!
_السمعتي يا ياسمين هسي إنتِ مع أبين وشوفي كان ما فضحتك
=أنتِ جنيتي ولا شنو؟! أبين شنو البكون معاهو مالك يا أمونة إنتِ كويسة؟!
_اسمعي يا بت أنا ما غبية عشان تضحكوا على قبيل ضربتي ليهو وأنا الرديت عليك بالاول أحسن ليك ما تعملي فيها ما فاهمة شي وأنا ما بخليك يا ياسمين افهمي كلامي كويس
وطق قفلت في وشها هي حاولت ترجع لي كتتير كنت برفض المكالمة ولمن رهجت عملت ليها حظر مكالمات...
بعديها بي دقائق جاتني رسالة من رقمها
"امونة افهمي أنا عارفة إني غلطة بس ما تفضحيني عليك الله أنا آسفة...مش انا صحبتك بترضي يحصل لي كدا"
ههه لو كنت صحبتها أنا بجد ما كان عملت لي كدا ...
مارديت عليها وهي رسلت لي رسائل كتتيرة ما حاولت افتحها زاتو
فجأة الباب دقة وكان بدق بي صورة مخيفة خفت شديد قلت بكون ده أبين بس هو عندو مفتاح البخلي يدق كدا شنو...مشيت وقفت جنب الباب وقلت بي صوت مرتجف منو؟!
جاني صوت أسعد وهو بقول لي افتحي الباب ده
ما صدقت إنو ده هو ..فتحت الباب واطوالي اترميت في حضنتو وبقيت ابكي..هو قفل الباب وبقي يمسح في شعري قالي خلاص ما تبكي وقعدة في البيت دي تاني ماف وورقتك تصلنا هناك ماتبكي خلاص
كنت ماسكة في قمصو شديد ما كنت دايرة يخليني...قعدني في الكرسي ومشي على جهه الحفاظة جاب موية وجاء قال لي: اشربي شربت قالي: مطبخكم بي وين؟! وريتو ...ساقني وغسل لي وشي ورجعني في الكرسي وهو مشي المطبخ ...بعد مسافة جاء بي عصير ليمون...قلت لي: ما دايرة ...قالي: شيلي عشان تهدي أعصابك...شربني لي بالغصب..خت الكباية وقعد جنبي قالي أبين تاني عمل ليك شي ..مارديت على...قالي: لوضربك تاني وريني... ماتخافي منو...
