ياسمين قالت:
شنو؟! لقيتو ابوي؟ وين وروني ووين...أنا دايرة اسألو لي خلانا ومشي دايرة اسألو لي بس
نحنا اتعذبنا وراهو دايرة اسألو...قلبو الحجر ده ما لان لينا... وكيف قدر يخلينا كدا
انا واخواني بي سببو اتشتتنا في الشارع...
لييييي لي بس ....
كانت تقول كدا وترجف وخالتو سلوي بتهدي فيها ...
قالت لي يوسف أبوي عرفتو كيف وريني هو وين
يوسف عاين لي وتاني عاين ليها...
قال لي أمشي جيبي ليها عصير خليها تهدأ
قالت لي صوت ...ما دايرة إهداء دايرة اعرف البتسمي أبوي ده وين
يوسف أشر لي يعني أمشي جيبي العصير...
مشيت المطبخ وبقيت اقطع في البرتقالة وسرحانة في الحصل
بدون ما أشعر جرحت يدي..
مسكتها شديد كان في مناديل كتتيرة...شلت منها وربط يدي
عملت العصير وجيتهم... ياسمين كانت ماسكة راسها وتبكي مديت ليها العصير...قالت بدون ما تعاين لي مادايرة
قلت ليها هاك بهدي ليك اعصابيك ...قامت لزت الكباية لمن اتكشحت فيني... وقالت ياخ ما قلت ليك ما دايرة ما بتفهمي إنتِ ولا شنو..
يوسف نهرها قال ليها: ده شنو العملتي ده...جزاها عشان عملت ليك العصير ...قالت لي: اي انهرني كوويس اصلاً ما يهمني بس البهمني دايرة أعرف أبوي وين
لييي ما دايرن توروني ليييي....ولي كل السنين دي خلانا برانا مدام هو عايش أنا كنت مفتكراهو ماتت... عشان قلت مافي أبوي بخلي اطفالوا كدا بس انا كنت غلطانة...هو خلانا في عز حوجتنا خلانا... يوم ناكل ويوم لا ...خلي أمي تموت في السرير وتتعذب لحدي ما ماتت
انا نسيت اي حزن في حياتي بس ما قدرت انسي الطريقة الماتت بيها أمي💔
بي سببها بيقيت قاسية وحاقدة اي أنا ما بنكر..كنت لايمة وده كلو بي سبب العملو فينا أبوي... ياخ في ابو بجدع اولادو كدت
كانت بتتكلم وتبكي وخالتي تبكي معاها
خالتي قالت أنا...برضو ما قادرة انسي اليوم القيناكم فيهو وسألت عن سارة اختى بس انصدمت لمن قالوا ماتت انصدمت شديد
أبوك ده كان على اوريهو العذاب التقطوهو انتوا وسارة أختي 💔
انا كنت ببكي ويسمع في كلامهم الزي السم ده...
انا عمي عمل كدا 💔 في الحظة دي استحقرت نفسي رغم إني ما عملت شي وضميري انبني..
قلت ليهم بدون ما أشعر...هو عمي
الجو في البيت اتكهرب ياسمين عاينت لي مسافة
قالت: قلتي شنو؟!...قالت كدا وجات على مندفعة وبقت تضرب فيني...يوسف جاء جاري زحاني منها... خالتو سلوي مسكتها وقالت لي يوسف بي زهج سوق صابرين وامشوا شقتكم
