وقفت وأنا محتارة الولد ده مالو المفروض هو يقولي تعالي اكلي ويحنسني حنيس...مشيت لي في نفس المكان الهو دخلو وكان المطبخ وقفت جنب الباب كنت مربة يديني وبعاين ليهو بي غيظ هو كان بياكل وبعاين في تلفون....وقفت زي٥دقائق وهو ما زحي التلفون من يدو وكان مبتسم للآخر...
قلت لي: أبين في الأول ما سمع إلا لمن عدها ليهو تاني... عاين لي بي برود كدا وقال لي: مش قلتي دايرة تنومي ما نتومتي مالك؟!...قلت لي: اصلاً ما دايرة انوم قالي: طيب تمام...وقبل مني وعاين في تلفونو جيت قعت جنبو...قلت لي: بتشوف شنو ..قالي: هسي إنتِ مالك؟! أشوف الداير أشوفو ولا التلفون كمان عندك فيه راي...قلت لي: ما قصدي كدا أنا قصدي ...ما خلاني أتم كلامي وشال التلفون ومشي مني قلت لي: ماشي وين؟؟ قالي: يابت دايرة مني شنو ياخ أمشي اي مكان أنا دايرو ما عندك شغلة فيني...قلت لي: مالك هايج فيني كدا أنت ...قالي: ياخ ما تخليني اطلقك نص الليل ده ويقولوا جابوها مطلقة في يومها...بقيت اعاين لي بي خلعة...هو بعد قال كلامو مشي طوالي وقعد بعيد في الكرسي كأنو ما قال شي .. جيت وقفت في راسو قلت لي: ليشنو بتعمل فيني كدا .. قالي بدون ما يعاين لي عملت شنو؟!...يعني الزول ما يشيل تلفونو مثلاً! ولاقصدك شنو إنتِ؟!
قلت لي: بجد محسسني أنا الغلطانة ... آسفة عشان زهجتك زاتي ماشة انوم
هو ولا عبرني كأني ما اتكلمت معاهو مشيت الغرفة ورقعت في السرير بس ماقدرت انوم من الغيظ...كنت زعلانة من حركاتو دي بعد ٣ساعات حتى جاء ورقد...نام طوالي ولا حتى فكر يعتذر لي
في اليوم التاني هو طلع ما عارفة مشي وين دخلت المطبخ فتحت التلاجة ما لقيت شي غير موية وعصير وكرتونة بيتزا فاضية كنت جعانة شديد ما عرفت أعمل شنو حتى شاي مافي وهو من الصباح طلع ما عارفة مشي وين...والساعة هسي ماشة على ٩ وما ليهو اي أثر
تكلت راسي في الكرسي وغمض عيوني فجأة كدا أسمع الباب فتاح...ماقمت من مكاني...هو جاء داخل وكان شايل أكياس عاين لي بي إستغرب وقالي: صحيتي...قلت لي: لا لسه نايمة...قالي:نعم!!؟قلت لي: سؤالك بايخ شديد شايفني صاحية تقولي صحبتي!!
مارد علي خت الأكياس في الطربيزة وقالي: سرعة أنا جعانة وده فطور جاهز...جهزي وناديني...ومشي طوالي!! ماجادلتو عشان كنت جعانة عملت زي ماقال ناديتو وبقيت أكل كنت جعانة شديد...ولا عاينت لي زاتو...بعد انتهيت وقلت الحمدلله... لقيتو بعاين لي بي إستغرب...قلت لي: مالك بتعاين لي كدا...قالي: البشوفك تاكلي بفكر إنك ليك يومين ما أكلتي....قلت لي: أنت أحسن ما تتكلم تمام لي يومين ولا مئة يوم ما تدخل امبارح العملتها دي ما ظريفة...
=أنا؟!
_لا ضلي
=إنتِ مالك اجوبتك سخيفة كدا
_انت الخليتني اجاوب ليك كدا
=بس انا امبارح سألتك وقلت لي لو دايرة تاكلي ولا لأ أظن براك دايرة مشاكل
