خالتها بي تهدي فيها وهي تبكي قالت: حسبي الله ونعم الوكيل فيك يا أبين....ياسمين كانت بترجف بي طريقة تحنن قالت لي خالتو سلوي...ما تخلوهوا يشيلني أنا بموت كان رجعت ليهو ..عليكم الله ما تخلوها يشلني....الزول ده ما برحم زول فهمتني يا خالتي
خالتو سلوي حضنتها وهي بتبكي قالت ليها: ما تخافي أنا ما بخليهو يشيلك
بعد ياسمين هدت قالت ليها كيف جاك هنا
يوسف قال ليها: حصل شنو يا أمي قالت لي:فجأة ياسمين دخلت ووراها أبين وياهو الشفتو
ياسمين قالت وهي بترجف كنت ماشة أقعد مع اخواني وأنا راكبة في المواصلات شافني نزل من عربتو وقدام الناس كلها كراني زي الغنماية وبقي يضرب فيني ويشمت فيني ركبت معاهو بعد شتم ...سايستو عشان إجيك قلت بي: بمشي معاك وبلقي بلاقي في المحكمة بس في حبة حاجات ماشة اجيبها من خالتي...لمن وصلنا نزلت من العربية وقلت لي:ولا تفكر أرجع ليك بعد الحصل...هو جن جنونو وزي ما شايفة دخلت وهو دخل وراهي وحصل الحصل... وبكت تاني قالت أنا ح أموت لو رجعت لي عليكم الله ما تخلوهو يرجعني ليهو عليكم الله
خالتي بكت معاها وأنا ما أكذب دموعي نزلوا...
دخلت غرفتي طوالي...مسحت دموعي وقعت مسافة ويعديها طلعت لقيت يوسف وخالتو سلوي ....هم ما كانوا شايفني لمن قربت عليهم...خالتو سلوي قالت لي: يوسف شوف أنا بت أختي دي بعد الحصل ليها أنا ما دايراها تشوف وجع عشان كدا لمن تطلق ...ح تتزوجها أنت...
كلامها زي الصاعقة نزل في قلبي...قلت ليها :شنوووو
الأتنين اتخلعوا لمن شافوني ما قدرت استحمل طلعت طوالي ...يوسف لقني دايرة اقفل الباب سبتو قلت لي:خليني في حالي يا يوسف وبت خالتك دي عرسها
قالي: ومتين أنا قلت ليك داير اعرسها!؟ سمعتني أنا قلت كدا!؟ صابرين عليك الله ما تتهوري أنا أصلاً ما دايرها وأمي دي بتتكلم ساي ما تشيلي في قلبك
قلت لي: وكان حصل....قالي: انا ما داير غيرك لكن
لمن قال كدا يادوب ارتحت فتحت لي الباب قالي: طلعتي غيورة لكن... حمرت لي بس ومشيت من جنبو جاء قعد جنبي وقال لي: ما تزعلي من كلام أمي هي أصلاً قبل ما أعرسك كانت بتقول لي أنت لي ياسمين حمرت لي وقلت ليهو : ولي ما عرستها...قالي:عشان كنت داير بت خالي أسرار...هو قالها بي هظاز كدا بس أنا زعلت وهجت فيهو وشاكلتو وبكيت ...كان بعاين لي بي خلعة قالي: والله يا صابرين ما كان قصدي كدا ما تفهميني غلط أنا بس بهظز معاك
هجت فيهو زيادة وقلت لي: اسكت مني ما دايرة أسمع صوتك ده وأطلع من هنا...جاء علي وهو بقول لي صابرين بسم الله مالك كدي افهميني
قلت لي: بي صوت عالي برااااااء قلت ليك....ما عرف يعمل شنو غير طلع طوالي
اليوم كلو شلتو بكاء...وهو حتى ولا حاول يحنسني...
