قالي:إنتِ عويرة عويرة بجد كدا وراسك قوي ومدلعة...مش دايرة الطلاق ده...أنا ح ابقي اناني وما ح اطلقك وشوفي البحلك مني ..
سكت مسافة وقالي: أنا ما صدقت لقيتك عشان اخليك بي السرعة دي أنا ما ح اطلقك يا أمونة وده آخر كلام عندي...
لمن قال لي: كدا بكيت جنس بكي وهو بحنس فيني...
في عز بكاي قلت لي: أنا آسفة عارفة كنت بتشاكلني عشان خايف على أنا قتلت ولدي بي يدي
قالي: ما تقولي كدا الله يرضي عليك إنتِ ما قتلتي ده قضاء ربنا..وربنا يخلف لينا الأحسن منو..
قالي: في زول في البيت...هزيت لي راسي وقلت لي في أسعد...
قال لي: طيب مافي اتفضل وال احاجة.. ضحكت وقلت لي: اتفضل اتفضل
جريت جري ناديت أسعد قلت لي: محمد دايرك..هو إستغرب لمن شافني اضحك قالي: مالك فرحانة كدا ضحكت ... وبقيت العب بي شعري...قالي: غابتو ربنا يشفيك
جانا صوت محمد وهو بقول السلام عليكم أسعد قالي: رد السلام وقال اتفضل اتفضل...فضلو كأنو ما كان زعلان منو🤣
محمد قالي: أنا جيت اخطف مرتي خلاص قعدت معاكم كتتير...
أسعد ابتسم لي قلت لي أسعد : اي أنا ماشة
قال لي محمد أنا ما عندي مشكلة نهائي وكان داير تشيلها بدون علمي شيلها عادي...ضربت أسعد في كتفو وقلت لي: بجد نعم الاخوه...محمد ضحك وقالي: يلا البسي ولمي هدومك عشان نمشي
أسعد قالي: وين بالسرعة دي الليلة ما تمشي إلا تتغداء معانا
محمد قالي: عندي شغل مرة تانية... أسعد حلف على محمد إلا يقعد عشان كدا أطر إنو يعقد... أمي ومنى ما كانو في بس كان في أسعد
بعد اتغدينا شلت شنتطي ومشينا...
ركبنا ترحال
..كنت طوال الطريق سرحانة...رد فعل خالتو سامية ح يكون كيف؟
محمد قالي: وصلنا
عاينت لي البيت لقيتو حقنا؟! قلت لي: محمد لي رجعنا هنا مش ح نقعد مع خالتو سامية؟!
حمر لي وقالي: عشان تموتي من الشغل إنتِ نصيحة شي؟!
قلت لي: بس كان هنا ولا هناك ح اشتغل قالي: امونة خلاص قلنا... وتاني شي شغل من شغل بفرق هنا نحنا برانا..بس هناك إنتِ الشغل كلو بكون فوق راسك وأنا ما دايرك تتعبي وده آخر كلام لي
ما غلطو عشان كلامو كان صاح...من سكات نزلت هو حاسب بتاع الترحال وشال الشنط وفتح الباب بالمفتاح قالي: أمشي ارتاحي أنا برتب الشنطة
قلت لي: محمد أنا ما حامل وكويسة خلي الترتيب على ..قالي: ده آخر كلام لي عندك.... فاهمة عشان ما ازعل منك
