سمعت صوت خالتو سامية جاية من بعيد قالت ديل منو يا احمد..
لمن شافتنا اتهجمت...وقفت زي دقايق كدا عشان تجمع تقول شنو
عمو احمد قال ليها : شفتي؟؟ بعد العملو بي كل عين جاي لينا
خالتو سامية قالت لي محمد: داير شنو أنت
محمد قال ليها: داير رضاكم بس
ضحكت وقالت لي داير رضانا صاح؟! طيب طلق الزولة دي ..واشرت على
محمد اتنهد وقال ليها يا أمي إسمعي أنا والله من دونها ما بقدر مش إنتِ أمي وبتحبي لي السمح طيب لي رفضاها
قالت لي: بعد الحصل ده كلو تقول لي لي رفضاها ولا كمان تعرسها بدون ما نحنا نعرف؟! ده كلو لي؟! يمكن كان جيتني وقلت داير اعرسها يمكن بقبل
عمو أحمد قال ليها: أنا ما بقبل ولا اي شي كان جاء ولا غيرو انت لي عبير
محمد قال لي ابوهو وانا ما دايرها يا أبوي ...افهمني أنا وهي ما نفهم بعض ولا ح اقدر اسعدها
ما داير اوريكم الحصل شنو بس دورت شكلة كببيرة محمد كان بتكلم معاهم بي كل هدوا والشكلة دي كلها قدام الناس كلهم كان بتفرجوا فينا...أنا ما قدرت اتحمل الحاصل وقعت طوالي وصوت محمد ده شايفاهو بععيد شديد
صحيت وأنا في المستشفى وكان جنبي محمد... قالي بي لهفة حمد لله على السلامه إنتِ كويسة؟! هزيت لي راسي كنت مخنوقة حتى الكلام ما قادرة لي قالي: أنا آسف على السمعتي وريتك أنا يا امونة إنو ح يأذوك بلكلام بس إنتِ عنيدة ما بتسمعي كلامي شفتي الحصل ليك
بكيت طوالي هو مسح دموعي وقال لي: ما داير اشوفك تبكي تاني صدقيني دموعك دي بتزل في قلبي زي السكين ما تبكي عشان خاطري
قلت لي: واهلك...قالي: ما تشيلي ليهم هم أنا بعرف أتصرف معاهم كيف وح يرضوا.. أنتِ ما تشيلي هم تمام
هزيت لي راسي بس وانا شايفة الهم الفي عيونو بس ما داير يظهرو لي ...بعد بقيت كويسة رجعنا البيت...عمل لي عصير برتقال قالي: مفيد هاك اشربي...شلتو منو بي سكات وأنا بعاين ليهو...
اليوم التاني قالي: سمير أول أمس قال داير يعلمني المحاماة وانا داير شهادة خبرة عشان اكون محامي
قلت لي بي فرح بجد؟! ده أحسن قرار المحاماة حاجة حلوة شديد
قالي: بتقدري تقعدي براك؟! قلت لي: ده سؤال أكيد... سكت مسافة وقالي : لو حصل ليك اي شي وريني تمام
قلت لي: طيب تمام...هو ضرب لي سمير وسمير قالي: أنا سافرت بس ممكن اوصف ليك صحبي ... ...محمد قالي: طيب تمام بس اديني رقمو
بعد شال الرقم وضرب لي الزول أتكلم معاهو مسافة بعد قفل قالي: أنا ح أمشي هسي لو حصلت اي شي ما تنسي تضربي لي...قلت لي: طيب تمام
