وقع فيهو ضرب وأنا واقفة في مكاني من كترة ما خايفة كنت بعاين ليهم وهو بدق فيهو لحدي ما جوا عساكر ومسكوهو
الحارس قام من الأرض كان ماسك خشمو بي سبب اللكمات الجاتو في قوة ضرب محمد لمن وقعو في الأرض تاني ضربو...داير يضربو تالت مرة جيتو جارية قلت لي ... الله يرضي عليك خليهو ما تاذيهو ما تعمل ليهو شي خليهو
قالي: بهمك امرو مش الليلة ح تشوفي ح أعمل فيها شنو
قال لي صحبو سوقو الزنزانة نضربوا عشان تاني ما يعرف مستواهو وين
كنت يبكي قلت لي: عليك الله ما تعمل فيه حاجة عليك الله
عاين لي وطوالي ضرب محمد في بطنو لمن سمعت انينو..دايرة اتكلم
قالي: كل ما تحاولي تساعدي أنا ح اضربو زيادة عشان كدا أحسن ليك تسكتي
قفلت خشمي وبقيت أبكي... دموعي نزلوا عشرة عشرة ...ما كان عندي خيار إلا اسكت...بتذكر صابرين ادتني رقم المحامي..ضربت لي طوالي
وأنا ببكي حكيت لي الحاصل كلو هو قالي أمشي البيت وأنا بتصرف
قفلت منو وطلعت طوالي كنت ماشة وأنا ببكي فجأة سمعت إسمي
اتلفت لقيتو أبين...اتخلعت ما عرفت أعمل شنو جاء على وقال لي: كلمة واحدة منك واحدة بس بتخليني أطلع أخوك من السجن... كلمة واحدة بس يا امونة وهي انك ترجعي لي
انصدمت من كلامو قلت لي: نعم؟! أنت جنيت؟! بالله اختاني وما توقفني في الشارع كدا تاني اذا أنت ما بهمك شي أنا بهمني فا شنو اختاني
دايرة أمشي كدا مسكني من يدي بقيت اتقاوة عشان اتفك منو قالي: ح ترجعي لي يعني ح ترجعي لي...قلت لي: أنت مجنون؟!
يا زول فكني ياخ ما بتخاف من ربنا تمسكني كدا ...ما عارف الشي ده حرام
ضرحك وقالي ما تعملي لي فيها شيخة وإنتِ بتعملي بلاوي من وراي ما تنسي محمد الكنت بتمشي معاهو داك
فكيت يدي بي قوة وقلت لي بجد أنت مجنون أحسن لي اختاني وتاني ما توقفني فاهم
قلت كدا ومشيت منو هو كان واقف وبعاين لي ...كنت بستغفر كل ما اتذكر العملو فيني
مشيت البيت كنت مهمومة وماعارف أعمل شنو ... أمي سألتني كيف أسعد قلت ليها كويس ودخلت الغرفه طوالي...بكيت ما قدرت اقول ليها من كترة ما اتعذب حتي بقي ما بتعرف...
اليوم ده كلو قضيتو بكي...كل ما أتذكر منظر أسعد ببكي زيادة
""""""""""""""""""""""""""""""""""""""""""""""""""""""""""""
كل ما اتذكر كلام العسكري ده دمي يغلي ودوني زنزانة وبقوا يضربوا فيني بي كل قوتهم كنت ساكتة بس
واحد رش فيني موية وقال لي عشان تصحي لسه قدامك عذاب كتتير
العسكري الشاغل أمونة جاء وقف جنبي وقال لي: صدقني العلامات العملتها في جسمي دي ح تدفع ثمنها غالي جدا ..جاب ليهو مقص وختاهو في النار جاء وقف جنبي ومسك لي وشي وقالي
