أبين حدد المسدس على جهه أسعد وقال لي: اتشهد عشان تمشي لي الله نضيف.... أنا وقفت في النص وقلت لي: أبين خلاص أنا ما ح أمشي معاهو... أسعد مسكني من يدي وقال لي جنيتي!!!عاينت لي وأنا عيوني ملانة دموع قلت لي: سمعتو قال شنو؟!
أحسن تمشي يا أسعد عشان ما يعمل فيك حاجة...قالي: لو مشيت وخليتك وراي ابقي ما رااجل
فجأة سمعنا طااخ...أنا صرخت مسكت اتضنيني...عاينت لي أبين الكان موجه المسدس فوق السقف وبعاين لينا بي غضب... وقال : مفتكرني بهظر معاكم صاح... أسعد طوالي استقل الفرصة وهجم على أبين والاتنين بقوا يتصارعوا وأنا واقفة ابكي ما عارفة أعمل شنو...
في الحظة دي سمعت صوت طلقة نار..اطرافي اتجمدو وبقيت مصدومة الانضرب فيهم منو؟
فجأة كدا أبين وقع في الأرض ودمو ملا المكان.... فجأة الباب بقي يضرب بي صورة مبالغة مشيت لبست لي توب وجيت عاينت لي يد أخوي وختيت يدي في خشمي...قلت لي: أسعد ده شنو!!
عاين لي يدو الكانت ماسكة المسدس..في الحظة دي الباب اتفتح ودجلوا كمية رجال...واحد قال: سمعنا صوت ضرب نار الحاصل شنو!؟
واحد منهم عاين لي أبين وقال بي خلعة...الزول ده مضروب... كلهم مشوا عليهو ولمن شافوا أسعد ماسك المسدس غبضوا وقالوا هو المجرم...
واحد قال نضرب للشرطة عشان تجي تشوف الحاصل ونصهم شالوا معاهم أبين...كنت ببكي وما عارفة أعمل شنو
قلت ليهم: أسعد ما عمل شي بالعكس الكان داير يقتلنا هو أبين....عاينوا لي بي إستغرب...واحد قالي: ده كلو بتعرفوا الشرطة....
كنت ببكي وبقوليهم الحصل بس مافي زول صدقني واسعد كان ساكت حتى ما ادي اي ردت فعل
الشرطة جات وحققوا في المكان وشالوا معاهم أسعد وسط بكاي وحلقي نشف من كترة مابقول ليهم إنو هو برئ أسعد قالي: أمونة ما تبكي اي شي ح يظهر بي حقيقتو إن شاء الله ...ماتبكي تمام...ساقوا أسعد قدام عيوني...بقيت قاعدة براي في البيت.....كنت ببكي بي طريقة هستيريا...تلفوني ضرب كانت منى ما صدقت في زول ضرب
_ يا منى تعالي البيت بي سرع
=في شنو يا بت خوفتني الحاصل شنو؟!
_بس تعالي أنا دايراك
=طيب تمام أنا هسي بجيك
*
قفلت الخط وبقيت أبكي ماعارفة أعمل شنو بقيت أمشي واجي ومتوترة شديد كنتَ بالحالة دي لحدي ما منى جات....فتحت ليها الباب واترميت في حضنها هي اتخلعت وبقت تعاين لي بي خلعة...قالت لي: مالك بتبكي أمونة مالك في شنو...
قلت ليها وأنا ببكي أسعد...قالت لي بي خلعة مالوا أنا قبيل ضربت لي وقلت لي ماشة لي امونة
