شلنا حاجاتنا وهدومنا واجرنا أمجاد
محمد كل دقيقه بقول لي أنا ما عارف حاسي إنو في حاجة غربية قلت لي: مافي شي براك خايف... أنت المفروض تكسب الفرصة الذهبية دي لكن براك مقلق
قالي: لو حسيتي إنو في حاجة أو كدا وريني عشان نرحل منهم ...قلت لي : طيب تمام
وصلنا وهو حاسب سيد الأمجاد ...دق الباب المرة دي فتحت لينا صابرين حسيتها زي الحزينة سلمت علينا ودخلتنا جوه....خالتو سامية شافتنا جات سلمت علينا سلام معروفة وفرح لمن أنا ومحمد استغربنا فضلتنا جوه وجابت لينا عصير منقة... وبقت تعتذر للحصل آخر مرة ولمن بكت
محمد قال ليها: يا أمي نحنا ما زعلانين منك قالت لي: اعفي لي يا ولدي قال ليها: المفروض أنا الاقول ليك كدا ما انتِ
المهم كانت كل دقيقه تعتذر وبعد مسافة صابرين جابت الفطور فطرنا وقالت لي جهزنا ليكم الأوضة الح تقعدوا فيها قلت ليها: صراحة يا خالتي ما بتقصري نهائي...شلنا حجاتنا ومشينا الغرفة كانت حلوة ومزينة بي زينة سمحة شديد...
دخلنا وأنا رتبت الهدوم في الدولاب وساعدني محمد
بعد انتهينا قالي: صراحة أنا مستغرب بالسرعة دي أمي رضت وكنت خايف... لكن بعد الاستقبال ده شوية اطمنت...قلت لي: حتى أنا كمان
مرة أسبوع من جيتنا حتى عمو أحمد كان عادي اي ظاهر إنو ما راضي بي قعادنا بس احسن من ما يشاكلنا....
في يوم كنت بتكلم مع صابرين الظاهر أنها متغيرة وسرحانة ٢٤ساعة ...قدر ما حاولت اعرف هي ابت توريني ...خالتو سامية نادتني وقالت لي: تعالي...مشيت ليها كان في هدوم كتتيرة قالت لي: ما عارفة أقول ليك شنو بس يا بتي ...كنتِ داير اغسل الهدوم دي لكن حاسة بي حمة والكهرباء قاطعة قطعت قبل شوية ممكن تغسليها لو مافي مانع
قلت ليها: معقولة يا خالتي إنتِ تأمري أمر قالت لي: ربنا يرضي عنك يا بتي ومشت
الصراحة الهدوم كانت كتيرة بس انا عشان اكسبها قلت أحسن اغسلها
يدي وجعتني وكنت حاسة بي جوعة شديدة بس ما قمت إلا لمن خلصت الهدوم
بعد انتهيت حسيت بي دوار مبالغ..مسكت اقرب حاجة لحدي ما الدوار ده انتهي... مشيت غرفتي شلت غيار عشان استحمي بس فجأة عاينت للمروحة... الكهرباء شغالة؟!
طيب هي ما قالت قطعت؟! يمكن جات قبل شوية ما مشكلة...شلت الغيار ومشيت استحميت
بعدها مشيت لي صابرين الكانت بتقري جيت وقلت ليها: في حاجة غلباك
قالت لي: صراحة كدا الفرنسي ده ما قادرة عليو...قلت ليها طيب تمام ح اقريك ليهو
راجعت ليها الفرنسي وبعد ساعة كدا انتهينا....قلت ليها: هو انتوا هنا الكهرباء دي بتقطع؟! ..قالت لي: اي لي السؤال ده
