صرخت بي اعلي صوت عندي وجدعت التلفون وبقيت ابكي
أمي من الخلعة جات لمن شافتني بالحالة دي بقت مخلوعة وما عرفت تعمل شنو
آخر شي شفتو شالت التلفون وضربت لي زول وبعديها ما شفت شي
* أمونة أمونة سامعاني أمونة*
أسعد كان بحاول يصحيني بي حبة حبة فتحت عيوني ....كنت ما فاهمة شي زي الفقد الزاكرة بعد مسافة اتزكرت القالتو لي صابرين بقيت أبكي بي هستريا
اسعد قالي ما تبكي إن شاء ما بكون هو لسه ما معروف ده منو ومحمد اكبر من إنو يخاطر بي حياتو ويركب السمبك
ما عارفة منو الوراهم وما دايرة اعرف أصلاً كل همي في محمد ...قلت لي: الجثة وين وين
قالي : في حدود مصر وهسي ابوهو مشي عشان يشوفو
قلت لي: بي صوت متقطع انا ماشة يا أسعد وديني دايرة اشوفو
قالي : أمونة أهدي قلت ليك ابوهو مشي يشوفوا
بقيت أبكي بي شديد وهو حاضني ويبكي معاي وأمي بتعاين لي وتبكي
اليوم كلو متوترة ومنتظرة اي اخبار...زي الساعة 12 بالليل تلفون أسعد ضرب قلت لي ده منو قالي عمو أحمد لمن قال كدا بقيت ارجف خايفة يطلع هو خايفة💔
اخوي فتح الخط وأتكلم معاهو مسافة وكان بعاين لي وأنا التوتر قرب يقتلني
بعد قفل عاين لي وقال: الحمد لله طلع ما هو
بعد دقيقة كاملة حتى استوعبت كلامو بقيت ابكي واقولي جد ...جد يا أسعد ولا بتكذب علي...قالي: جد يا أمونة اهدي
لمن قال كدا يادوب بكيت بكي صاح قالي: في شنو هسي بتبكي لي؟
قالت لي: ببكي من الفرح يعني محمد ما مات مش يا أسعد ما مات ...عليك الله ما تكذب علي
قالي:اي ما مات اطمني والجثة القوها ديك كانت حقت زول تاني
بكيت قدرتي وبعديها قلت لي: طيب هو وين هسي
قالي: لسه ما معروف بس بإذن الله ح يتلقي إنتِ ما تشيلي هم ...قلت لي: متين لكن محمد ليهو أكتر من 4شهور مختفي يعني ح يمشي وين لي هو بعمل فينا كدا
قالي: ما تخافي بأذن
الله ح يتلقي بس إنتِ اصبري
***
من بعد اليوم دي تاني ما كان في اي خبر لي محمد مرت شهور لحدي ما بقي سنة ونص
كنت دائماً برسل لي رسائل في تلفونو
*محمد عليك الله ارغجع خلاص كفاية
*أنا آسفة شديد يا محمد أغسفة لإني آخر يوم عملت فيك كدا وكنت أنا سبب في إنك تختفي
*عارف يا محمد أنا زعلانة منك شديد والله للدرجة دي حزني بهون عليك مش أنت قلت لي ما بقدر اشوفك حزينة طيب هسي أنا حزينة أرجع عشاني وعشان اهلك يا محمد 💔
