ما طلعت من الغرفة نهائي كنت ببكي وبتحسر على العملتو بي يدي حتى أخوي قال لي: داير يشوفو ويقعد معاهو عشان يعرف هل هو كويس ولالا بس أنا.. عملتها في نفسي... أنا القلت لي ما تتكلم معاهو أنا القلت لي الزول ده كويس... أنا العملت في نفسي كدا...بقيت اكفت نفسي وأقول أنا إستاهل والله العظيم استاهل
تلفولني كان بضرب...ما كان عندي ليهو مزاج بس الزول نهائي ما وقف...شلتو لقيت رقم غريب فتحت الخط... جاني صوت بت
=الوووو امونة؟!
_اي منو معاي؟
=أنا آيات
_آيات!! دايرة شنو
=أنا آسفة عشان ازعجتك بي اتصالي بس كان لازم أتكلم معاك
_في شنو
=ح اتكلم معاك بلنيابة عن أخوي...والله يا امونة اخوي ده مسكين ومستقبلو ح يضيع عشان كدا زوجناك لي
_ما فهمتك قصدك شنو؟!
=كيف يعني؟! ياسمين ما ورتك؟!
_توريني شنو؟!
=..........
_آيات أتكلمي ياسمين توريني شنو
تيت تيت تيت
فصلت الخط؟! في شنو؟! وياسمين مخبية عني شنو؟!...
طوالي ضربت لي ياسمين لقيت الرقم مشغول؟!
راسي بقي واجعي من البيحصل لي...كل ما أتصل ليها القاها مشغولة...جدعت التلفون بعيد وبقيت أبكي...بعد مسافة في زول ضرب...شلت التلفون كان أسعد... مسحت دموعي وحالوت اهدي نفسي عشان بعرفوا ح يعرف إني بببكي وكان مارديت عليهو...ح يقلق...فتح الخط وقلت لي اهلين أسعد...سكت مسافة وقالي: كنتِ بتبكي؟!..قلت لي: اممم ...
=مالك يا بت بتبكي لي
_مافي شي يا أسعد وماتشغل بالك أنا كويسة
=أمونة أحكي في شنو ما تقلقي على
_ياخ قلت مافي شي أنت مابتفهم
وقفلت الخط طوالي..كم مرة حاول يتصل لي بس ماقدرت ارد حتى منى اتصلت لي بكون وراها لكن ما رايقة أنا عشان ارد لي زول...رسل لي رساله..وكان خايف ويسأل الحصل لي شنو ولي أنا ما قاعدة ارد
..كنت رهجانة وبعرفو لو رسلت لي رسالة برجع لي مكالمة عشان كدا ما رجعت لي ..جدعت تلفون... فجأة ضرب...قلت أخوي ده ما ح بخليني في خالي أبداً...شلت التلفون كانت ياسمين ما صدقت رجعت لي
فتحت الخط طوالي ومن دون مقدمات قلت:
_إنتِ كنتِ مخبية عني شنو يا ياسمين
=بسم الله يابت في شنو مالك بتتكلمي معاي كدا هجمتني
_سألتك أنا مخبية عني شنو ولي بتتكلمي مع أبين مالك متلصقة معاهو كدا وفي شي إنتِ ما وريتني ليهو لمن قلت لي في زول رشحتك لي ...السبب شنو البخليك ترشحيني ليهو؟! أنا بعرفك يا ياسمين زول زي ده ما بتخلي في حالو لي ...رشحتني لي بكل قلباً رحب؟!!! احكي يا ياسمين بردي لي قلبي
