#ياسمين
لبست احلي لبس...وفل ميكب وطلعت طوالي...مشيت المستشفى ومن دخلت قبل ما اشوف أبين دموعي نزلوا طوالي...خالتو ابتهال من شافتني قالت لي: ياسمين تعالي شوفي صحبتك واخوها عملوا في ولدي شنو...كانت بتبكي بي طريقة تحنن حضنتها على وقلت ليها: ما تخلوا حق ولدكم نهائي... آيات قالت لي: تاني أنا مابسمع كلامك في حاجة تجي ترشحي لينا دي؟!
قلت ليها: أنا لمن رشحتها نفس المواصفات الطلبتيها لي واهم شي انها تعرف الدين صاح وبراك قلتي عشان أخوك بستعدل وكدا بس زي ما شابقة الحصل حصل
هاجت فيني وقالت لي: كيف تقولي الحصل حصل أخوي ده بي سببكم حصل لي كدا وإنتِ بي كل برود تقولي لي الحصل حصل
خالتو ابتهال قالت ليها: آيات!!! مالك هايجة في ياسمين كدا هي ذنبها شنو يعني....مافي داعي تخسري صحبتك عشان وحدة تانية
قالت ليها: بس يا أمي....نور كانت موجودة قالت ليها: خلاص يا آيات زي ما قالت خالتي الحصل حصل مافي داعي للمشاكل
هم كانوا قاعدين برا الغرفه قلت ليهم ممكن اشوفو نور قالت لي ماشة معاك
افف من البت الصقة دي ...ما كان عندي خيار إلا تدخل معاي...لمن دخلت كان مقمض عيوني قلت لي بي صوت مبحوح أبين
فتح عيونو من شافتي صر وشو وقال لي نور طلعي البت دي سريع....قلت لي بس...قالي بي صوت عالي اطلعي من هنا ما داير اشوف وشك...يانور طلعي البت دي من هنا ...نور ارتبكت وقالت لي: اطلعي عشان حالتو ما تسوء...من صوتو المرتفع خالتو ابتهال وآيات جوا داخلين
آيات جاتو وقالت لي: في شنو يا أبين مالك هايج كدا
قال ليها : طلعي الزفت دي ...وكان بعاين لي ...قالت لي: قصدك ياسمين مالا عملت ليك شنو
قال ليها بي نبرة اعلى من ديك قلت ليك طلعيها ما داير أشوف وشها ده... آيات قامت وقالت لي: زي ما سمعتي أبين ما داير يشوفك قربت من اضاني وقال: الله أعلم عملتي لي شنو ...مسكتني من يدي وطلعتني برا ...قالت لي: تاني ما أشوف وشك ده هنا واعرفي يا ياسمين علاقتنا من هنا انتهت
قالت كلامها ده ومشت
...اصبري يا آيات كان ما خليتك تجيني باكية ما يبقي إسمي ياسمين
رجعت البيت...كنت زهجانة شديد خالتي قالت لي: مالك الأيام دي ما قاعدة تمشي تدرسي في المدرسة؟!
قلت ليها: خليتها قالت لي: كيف؟! طيب متين؟! ولي ما وريتني؟!
قلت ليها: عادي يا خالتي مامهم مافي شي
المهم يعني يوسف ده داير صابرين؟!
قالت لي: اي دايرها لي السؤال؟!
_عشان مرة سمعتكم بتتناقشوا في الموضوع ده وهو قال ليك عشانك بس يا أمي ح اتزوجها
=ياسمين...متين دايرة تخلي العادة بتاعة التجسس دي مش قلت ليك ما صاح
