محمد! ده محمد! أنا ما قادرة أصدق كنت مصدومة وبعاين لي وهو كان بعاين لي شديد ...لي وهلة حسيت إنو سراب وإنو البحصل ده كلو حلم ...بس لمن قال لي: أمونة
معناها حقيقة ده محمد...كان جاي على بس أنا من قوة الصدمة فقدت توازني آخر شي سمعتو وهو بنادي فيني وتاني ما سمعت شي...
***فتحت عيوني كانت أمي جنبي تبكي ومحمد ماسك يدي لمن استعدة وعي زحيت يدي منو بي سرعة هو اتحسس وأنا ما عارفة مالي رغم إني كنت مشتاقة لي
أمي وهي بتبكي قالت لي: بقيتي كيف يا بتي...قلت ليها: بعد صعوبة كويسة الحمدلله
محمد كان بعاين لي شديد وأناكان نفسي اسألواسئلة كتتيرة قال لي أمي ممكن تخلينا برانا
قالت لي: كويس يا ولدي
بعد طلعت ....الجو كان مكهرب...قالي:كيفك ...انفجرت فيهو وشاكلتو وقلت لي:لي بتعمل فيني كدا لي تختفي كدا أنت شافع عشان تعمل كدا شااافع! وريني مالك ساكت كدا لي بتعمل كدا لي ما بتحس بي غيرك والحيحصل ليهم شنو لي أنت أناني كدي
كنت لسه دايرة اشاكلو بس هو سكتني وقالي:حقك علي عارف إني عملت غلط....قاطعتو وقلت لي:الكلام ساهل يا محمد ساهل تختفي وساهل تجي بس نحنا ما فكرت يحصل فينا شنو طيب أنا ما فكرت فيني ...وده كلو عشان آخر كلام قلتو ليك يعني للدرجة دي أنت ضعيف في المشاكل
سكت ما قال شي خلاني الومو كتتتير لحدي ما فترت في النهاية قلت لي :قول حاجة ما معقولة ساكت كدا
قالي: أقول شنو كلامك كلو صاح أنا أحمق أحمق شديد والله وعارف نفسي عملت غلط وحركتي دي كان اعتذرت ليك لي بكرة ما بينفع بس دايرك تنسي إي شي ونرجع لي بعض وبوعدك تاني ما بعمل كدا ...
قلت لي:بعد الحصل ده ما بخليك تغيب من عيني ولا ثانية ضحك وقال لي: بدونك ما بقدر والله أعلم كان اموت ...قلت لي: ما تقول كدا يا مجنون
-محمد
الاتنين عاينا لي أسعد الكان مصدوم كنت خايفة
يشاكلو بس صدمني لمن جاء وحضن محمد وقالي دي عملة تعملها....مهما حصل يا محمد أنا أصلاً في النهاية كنت برجع ليك أختي بس كنت دايرة اعلمك درس بس طلعت ضعيف في المشاكل
محمد قالي: حقكم علي آسف عشان أنا عملت كدا وأنا جيت هنا وكلي أمل اشيل أمونة منكم
اسعد قالي: شيلها طوالي عذبتنا عذاب من البكي 🤣🤣
قلت لي: تفوووو عليك تاني شوف كان جيتك زاتو
الاتنين ضحكوا علي وأنا برضو ضحكت
اليوم كان حلو شديد أسعد لام محمد ساعة كاملة بلوم فيهو وبعدين بقوا يتونسوا في الحصل في غيابو
محمد قال في فترة اختفائي انتهيت من العمل ك مساعد محامي وانتهت خدمتي وبقيت محامي عديل
