بعد مسافة جات سلمت علي وقال لي: كيفك أنا اسرار بت خالو لي يوسف
قلت ليها: اهلين اتشرفنا والحمد لله أنا كويسة...عاينت لي من فوق لي تحت ومشت طوالي ياسمين جات وقفت جنبي وقالت لي: ما بتخجلي من نفسك نفرقي اتنين بحبو بعض؟!
قالت كدا ومشت منى طوالي...
انا بقيت ما فاهم شي يعني قصدها شنو؟!
لي أول مرة ازعل لمن اتذكرتها واتذكرت انو يوسف كان دايرها...ياربي دي غيرة ؟!
انا بغير منها؟! لالا ما كدا أنا ما بهمني بس في النهاية هو راجلي عشان كدا
مشيت وبقيت في أمور الضيافة اضيف دي وادي دي
فجأة أسرار وقفت في وشي...دايرة أمشي بي الجهه التانية برضو جاتني!! قلت ليها: عفواً!!
قالت لي: فكري كويس يا صابرين إنتِ بت صغيرة ولسه في تعليم وجامعة وامور كتتيرة... وأنا بخترح ليك اختراح
قلت ليها ولهيا شنو؟! قالت لي: خلي يوسف وشوفي حياتك
ضحكت ضحك لمن هي إستغربت فيني قلت ليها: هسي بالله يوسف ده بتخلا؟!
بجد إنتِ نصيحة؟! آسفة جدا يا أسرار بس انا ما ح اخلي يوسف
قلت كدا وخليتها مصدومة وأنا زاتي انصدمت من نفسي
بعد مشيت منها قلت : ده شنو القلتي ده يا صابرين
وأنا في عز افكاري سمعت صوت يوسف وهو يناديني...قلبت واري وابتسمت لي
هو إستغرب من ابتسامتي قالي: معليش ح اعذبك معاي...مممكن تعملي لي كباية عصير..
قلت لي: تأمر أمر...هو اتخلع وأنا زاتي اتخلعت ما عرفت أقول شنو خجلت من نفسي...مشيت المطبخ وقلت ده كلام شنو يا صابرين اخخ منك
عملت العصير ومشيت ليهو اديتو لي وأنا ما قادرة اعاين ليهو
هو قالي: مالك خجلانة كدا
لمن قال لي كدا عاينت ليهو لقيتو بعاين لي ويضحك نزلت راسي سرعة وقلت لي: مافي شي
بي حركة سريعة قبلت وراي لقيت أسرار بتحمر لي..
ما اهتميت بيها
مشيت الغرفة وبقيت أضحك براي
فجأة الباب اتفتح بي قوة كانت أسرار...جات علي مندفعة وقالت لي: إسمعي هنا خليك بعيدة عن يوسف تمام عشان ما اخليك عبرة للباقين
قلت ليها: أكون بعيدة من راجلي؟! بتقولي في شنو إنتِ...ضحكت وقالت لي: راجلك؟! اظن هو ما مفتكرك مرتو زانو
قلت ليها بتقولي في شنو إنتِ...قالت لي: اوريك حاجة لي شنو يوسف اتزوجك إنتِ؟!
عشان شايفك وحدة مجنونة وداير يعالجك بس اما قلبو لي أنا وبس...بالواضح يا صابرين... يوسف شايفك وحدة من مريضاتو لا أقل ولا اكتر....
