ကြောက်စရာကောင်းလောက်အောင်တိတ်ဆိတ်ပြီး အေးစိမ့်နေတဲ့အခန်းမှာ Fourth နိုးထလာခဲ့ပြန်၏
အနီရောင်မီးတစ်လုံးသာ ခပ်မှိန်မှိန်လင်းနေတဲ့အခန်းရဲ့အိပ်ယာပေါ်မှာလဲလျောင်းနေတဲ့ Fourth ရဲ့ခန္ဓာကိုယ်ဟာ မိုင်ပေါင်းများစွာကနေပြေးလာခဲ့ရသလို ဖျော့တော့နွမ်းလျလို့နေလေသည်..…...
ခေါင်းတစ်ခုလုံးချာချာလည်အောင်မူးနောက်နေပြီး မြင်ကွင်းကနှစ်ထပ်သုံးထပ်တွေဖြစ်နေပေမယ့် ဘယ်နေရာရောက်နေလဲဆိုတာကိုကောင်းကောင်းသိသည်....
ငရဲ.....
ဟုတ်တယ်.....
ဒါဟာငရဲခန်းပဲ......
ဘယ်လောက်ထွက်ပြေး ထွက်ပြေး ဘယ်တော့မှမလွတ်မြောက်ခဲ့တဲ့ငရဲ
ဘယ်လောက်ပုန်းနေပုန်းနေ Fourth ရှေ့မှာအမြဲပေါ်လာနေကျ ငရဲ
ကမ္ဘာမြေပေါ်မှာတည်ရှိပြီး မသေခင်ကပင်ကျခံနေရတဲ့ လောကငရဲပင်ဖြစ်သည်.....
စိတ်ခြောက်ခြားမှုအခိုးအငွေ့တွေဟာ ခန္ဓာကိုယ်အနှံ့အပြားသို့တစိမ့်စိမ့် တိုးဝင်လို့နေလေ၏......
အိပ်ယာကိုလက်ထောက်ပြီးထထိုင်ဖို့လုပ်လိုက်ပေမယ့်ပြန်လဲကျသွားသည်
Fourth ရဲ့ခြေလက်တွေဟာ အခုမှလမ်းလျှောက်တတ်ခါစကလေးငယ်တစ်ယောက်လို ယိုင်နဲ့ပျော့ခွေလို့နေလေသည်
တစ်ကိုယ်လုံးကလည်း ရေညှစ်ထားတဲ့ပဝါစလေးလို လျော့ရဲတွန့်ကြေလျက်ရှိနေ၏
အားကုန်းသုံးပြီးလွတ်မြောက်ဖို့ကြိုးစားပေမယ့်လည်း ခန္ဓာကိုယ်ကလုံးဝကိုထူမတ်လို့မရ.....
အသားကုန်လူးလွန့်တွန်းထိုးနေပေမယ့် Fourth ရဲ့အားထုတ်မှုက အိပ်ယာခင်းတွေတွန့်ကြေသွားဖို့ထက်ပိုပြီးမစွမ်းဆောင်နိုင်......
မောဟိုက်လွန်းလို့ တဒုတ်ဒုတ်ခုန်နေတဲ့နှလုံးသားကလည်း ရင်ဘက်ထဲကနေပွင့်အန်ထွက်ကျလာတော့မလားထင်ရသည်....
ဒါပေမယ့် ရုန်းကန်နေတာကိုရပ်လိုက်လို့မဖြစ်.....
မကြာခင်မှာ
အရိပ်မည်းကြီးရောက်လာတော့မည်....
ထိုအရိပ်ရောက်လာလျှင် ငရဲခန်းဟာစတင်တော့မည်....
YOU ARE READING
ခွင့်
RandomGemini..... ချစ်ပေးတာရော ဂရုစိုက်တာရော လွမ်းတာရော သဝန်တိုတာရော ကျွန်တော်ကပဲလုပ်ပါ့မယ် ကျေးဇူးပြုပြီး ကျွန်တော့်ကို ခွင့်ပြုပေးပါ Fourth....... Fourth..... Gem ကအရမ်းပြီးပြည့်စုံလွန်းတယ် ပြီးပြည့်စုံလွန်းလို့ငါ့မှာဖမ်းဆုပ်ထားလိုက်မိမှာကိုကြောက်မိတဲ...
