တစ်လျှောက်လုံးဆွဲလာတဲ့လက်ကိုရုန်းချင်ပေမယ့် လက်ကောက်ဝတ်မှာစည်းထားတဲ့ပတ်တီးကြောင့် Gem မရုန်းဖြစ်ခဲ့ပေ.....
ကားပါကင်ရောက်တဲ့အထိ Fourth နောက်ကနေတန်းလန်း တန်းလန်းနဲ့ပါလာခဲ့ရသည်.....မနေ့ကတော့ ပြန်တွေ့ရင်နှုတ်မဆက်နဲ့ ဘာညာနဲ့ကိုယ့်ဘာသာလေတစ်လုံးမိုးတစ်လုံးတွေလျှောက်ပြောခဲ့ပြီး ဒီနေ့ပြန်တွေ့တော့အရင်သွားပတ်သတ်မိတာကိုယ်ကိုယ်တိုင်မို့လို့ Gem မျက်နှာတော့ပူမိပါသည်....
"Fourth.... Fourth....ခဏလောက်လွှတ်ပါအုံး...."
Fourth ကလက်ကိုလွှတ်ပေးပြီး ပြော ဆိုတဲ့သဘောနဲ့မျက်ခုံးတစ်ဖက်ကိုပင့်ပြသည်.....
"ဟိုဟာ....ကူညီပေးလို့ကျေးဇူးတင်ပါတယ်.....
ပြီးတော့.....မနေ့က ကျွန်တော်ကစကားကြီးစကားကျယ်တွေပြောထားပြီးတော့ ဒီနေ့ကျွန်တော်ကိုယ်တိုင် Fourth ကိုလာရှုပ်မိတဲ့အတွက်မျက်နှာလည်းပူမိပါတယ်.....
Fourth ကိုညာပြောရအောင်လုပ်မိတဲ့အတွက်လည်း...""ညစာလိုက်ကျွေး"
"အမ်"
"ဟုတ်တယ် ဒီနေ့တစ်နေလုံးအလုပ်တွေရှုပ်နေလို့နေလယ်စာတောင်မစားရသေးဘူး အခုဗိုက်အရမ်းဆာနေလို့ ကျေးဇူးတင်တယ်ဆိုရင် ညစာလိုက်ကျွေးလို့ရမလား...?"
"အာ...ရပါတယ် အဲ့ဒါဆိုကျွန်တော်လည်းတစ်ခါထဲစားလိုက်တော့မယ်
Fourth စားနေကျဆိုင်ရှိလားခင်ဗျ ကျွန်တော်ကတော့ဘာမဆိုကောင်းကောင်းစားတယ်"" အဲ့လိုမျိုးမရှိပါဘူး အဆင်ပြေတဲ့ဆိုင်ပဲသွားလိုက်ပါ ရပါတယ်"
"ဒါဆို Fourth ကျွန်တော့်ကားနောက်ကနေလိုက်ခဲ့လေကျွန်တော်အရှေ့ကလမ်းပြပေးမယ်"
"အဲ့ဒါကလေ...
အတူလာတဲ့သူက သူလဲဗိုက်အရမ်းဆာနေပြီမို့လို့ အရင်ပြန်နှင့်တယ်
ကားလည်းယူသွားတယ် အဲ့ဒါကြောင့် ငါက Gem ကားနဲ့လိုက်မှအဆင်ပြေမယ်ထင်တယ်...."Gem စိတ်ထဲနဲနဲတော့မတင်မကျဖြစ်သွားသည်
မနေ့ကမှတွေ့ဖူးပြီး စကားလေးတစ်ခါနှစ်ခါပဲပြောဖူးတဲ့သူကို အခုကားပေါ်ပေးစီးဖို့ကျနဲနဲ အယုံကြည်လွယ်ရာကျပေမည်
ပေးမစီးပြန်ရင်လည်း အကူညီပေးထားတဲ့သူအပေါ်ရိုင်းရာကျမည်
YOU ARE READING
ခွင့်
RandomGemini..... ချစ်ပေးတာရော ဂရုစိုက်တာရော လွမ်းတာရော သဝန်တိုတာရော ကျွန်တော်ကပဲလုပ်ပါ့မယ် ကျေးဇူးပြုပြီး ကျွန်တော့်ကို ခွင့်ပြုပေးပါ Fourth....... Fourth..... Gem ကအရမ်းပြီးပြည့်စုံလွန်းတယ် ပြီးပြည့်စုံလွန်းလို့ငါ့မှာဖမ်းဆုပ်ထားလိုက်မိမှာကိုကြောက်မိတဲ...