"အဖေရယ် အစ်ကိုအရင်းခေါက်ခေါက်ရယ် ချွေးနဲ့သွေးနဲ့ရင်းနှီးပြီး တည်ဆောက်ထားခဲ့တဲ့ Construction Group တစ်ခုလုံးက share ဈေးတွေထိုးကျပြီး ဒေဝါလီခံရလုနီးပါးဖြစ်နေတာတောင်မှ
ဖအေတူမအေကွဲအစ်ကို ဝရမ်းပြေးကို ပုန်းလျှိုးကွယ်လျှိုးနေနိုင်အောင် ဖုံးဖိပေးထားသေးတဲ့ Khun Rem Tinaphont ရဲ့အတွေးကို ကျွန်တော်ဖြင့်လိုက်မမီဘူးရယ်...."ပြောချင်ရာပြောပြီး လူကိုပြုံးထေ့ထေ့မျက်နှာထားနဲ့စိုက်ကြည့်နေတဲ့ အမျိုးသားဟာ Rem အရမ်းသဘောကျမြတ်နိုးရတဲ့ ဒေါက်တာ Phuwin Norawit နဲ့အလွန်တရာမှရုပ်ချင်းဆင်လွန်းလှပေမယ့် စရိုက်ချင်းကတော့ လုံးဝတခြားစီ.......
ဆရာဝန် ဖြစ်ကြတာချင်းအတူတူ ဒေါက်တာ Phuwin ကအေးချမ်းချိုသာသလောက် ညီဖြစ်သူဒီအမျိုးသားကတော့ အကြည့်နဲ့တင်တစ်ဖက်သားကို နေရထိုင်ရခက်အောင်အရှိန်အဝါရှိသူဖြစ်လေသည်မို့ Rem မှာ ဒီဒေါက်တာရဲ့မျက်စိအောက်မှာထိုင်နေရတာကိုက သက်တောင့်သက်သာမရှိလှ......
ကိုလတ်ကြောင့်သာသည်းခံပြီးထိုင်နေတာ မဟုတ်ရင် Rem ထပြန်လိုက်တာကြာပြီ......
နေရတာကျောချမ်းစရာကောင်းလိုက်တဲ့ဖြစ်ချင်း...."ကဲ.....ကျွန်တော်ရှည်ရှည်ဝေးဝေးထပ်မပြောတော့ဘူး
Phet Tinaphont ရဲ့တည်နေရာကိုအမှန်တိုင်းပြောပြဖို့ ကျွန်တော်က Khun Rem Tinaphont ကိုဒါလေးနဲ့ကမ်းလှမ်းပါရစေ
ဒီလောက်ဆိုသဘောတူကောင်းပါရဲ့
Khun Rem လို မျိုးကောင်းရိုးကောင်းပညာတတ်မိန်းမလှလေးက ကျွန်တော်ထင်ထားတာထက်ပိုပြီးထက်ထက်မြတ်မြတ်ရှိလိမ့်မယ်ဆိုတာ ကျွန်တော်ယုံကြည်ပါတယ်"စကားလုံးတွေကသိမ်မွေ့နေပေမယ့် မျက်ဝန်းတွေကတော့စကားနဲ့ဆန့်ကျင်စွာ အမဲလိုက်တော့မယ့်သားရဲတစ်ကောင်လို စူးစူးရဲရဲတောက်တောက်ပြောင်ပြောင်ရှိလွန်းလှသည်......
Rem မျက်စိရှေ့ထိုးပေးလာတဲ့စာအိတ်အညိုလေးကို မဝံ့မရဲနဲ့ဆွဲယူဖွင့်ဖောက်ကြည့်လိုက်တော့ ဓာတ်ပုံတချို့ထွက်ကျလာလေသည်.....
ပုံတွေက Rem ရဲ့ပုံတွေ.…....ပြည့်ပြည့်စုံစုံထပ်ပြောရမယ်ဆိုရင် Rem တွဲခဲ့ဖူးသမျှကောင်လေးတွေနဲ့ ကိုလတ်ရဲ့ဘားမှာအပြတ်ကဲထားတဲ့ Rem ရဲ့ပုံတွေ.....
YOU ARE READING
ခွင့်
RandomGemini..... ချစ်ပေးတာရော ဂရုစိုက်တာရော လွမ်းတာရော သဝန်တိုတာရော ကျွန်တော်ကပဲလုပ်ပါ့မယ် ကျေးဇူးပြုပြီး ကျွန်တော့်ကို ခွင့်ပြုပေးပါ Fourth....... Fourth..... Gem ကအရမ်းပြီးပြည့်စုံလွန်းတယ် ပြီးပြည့်စုံလွန်းလို့ငါ့မှာဖမ်းဆုပ်ထားလိုက်မိမှာကိုကြောက်မိတဲ...