هيض

عُمر

استمتعوا

++++++

: لا والله ما ودي اغير اشوفهم منسجمين مع بعض و دامهم عارفين بعض فـ بخليهم على وضعهم ، ايه تسلم ، يالله نشوفك لا تقطعنا مع السلامه

قفل من زميله بالأداره اللي كان يأكد على قراره انه ما ينقل احد ، كان واقف قدام الجدار الزجاجي اللي يخليه يشوف الموظفين كلهم تحت و هم يشوفونه هذا الشي خلى مكتبه يكون واسع اكثر من المعتاد ، مكتبه فيه جدار مليان رفوف حط فيها دروع استلمها ببعض فترات حياته و حاط صور ولده معه وكل هذا رتبه اليومين اللي راحوا

و يتوسط الغرفه الكبيره مكتبه اللي اقل ما يقال عنه ضخم و فيه اخر درع استلمه و يحوي اسمه و جنبه ملفات بعض الموظفين اللي ناوي يغير اماكنهم الفتره الجايه ، و قلم مداد مع حبره الخاص فيه

و ورا المكتب كرسي مريح اختاره له لؤي خصيصًا لأنه عارف ان ابوه يجلس ساعات طويله عالمكتب بأوقات الذروه فـ يبغا يتأكد انه مرتاح حتى لما يكون بعيد عن عينه

ظل عز على وقفته رافع راسه و ظهر مستقيم ببدلته الرسميه اللي كانت تحوي على كتوفه اربع شرط و تاج و على يسار صدره بعض الميداليات اللي يحب يلبسها بداية كل منصب جديد يستلمه وكأنه يعلم الكل بمقامه

اللي يشوف شكله الحالي راح يظن انه يتصنع وقفته المرتزه لكن اللي ما يعرفونه ان هذا عز ، حتى ولو كان في اسوء حالاته راح يكون واقف بثبات ما يهزه شي

مرر عز عيونه على اكثر من شخص لين ما رسى على شخص واحد ، كان يشوف كيف الكل حوله يسألونه عن بعض الحاجيات بخصوص العمل وكيف كان يرشدهم و كأنه حافظ المكان منذ الولاده ، و يتحرك بأريحيه لين هذا و هذا و يبتسم مع الكل .. بعد ما نسى عز نفسه ارتفعت عين هيض عليه

اللي كان حاس بعيون تراقبه لكن ما عرف من ايش مصدرها الى ما حدد المصدر وما كان الا رئيسه الحالي
ابتسم هيض و هذا اللي خلى عز يتحرك فورًا من مكانه و يتوجه لمكتبه

جلس على الكرسي و فتح الملف الاول على مكتبه و ما كان الا ملف هيض ، حفظ ملفه كامل و لو تقولون له سمع لنا انجازاته راح يسمعها ، مو فاهم سبب الاهتمام في هذا الانسان وحتى ما يبغا يسميه اهتمام لكن فيه فضول بخصوصه مو عارف ايش سببه

حط عز الايباد قدامه و اتصل على ولده بعد ما رنت الساعه انه وقت بريك لؤي بدا من خمس دقايق و دق عليه فيس تايم : هلا هلا بسعادة اللواء

حط يده على خده متسند يشوف ولده يوريه وجهه و الجامعه حوله :هلا فيك يا يبه ، ما ارسلت لي انك خلصت كلاسك