هيض

صيانه

قاطعكم شوي لكن اول و اخر مره

استمتعوا احبائي
ولا تنسون الڤوت و رأيكم و مشاركاتكم اللطيفه
________

جالس بغضب على الكنبه مسند ظهره و يطالع الانسانه اللي قدامه جالسه ، تحتضن لؤي بكل قوتها و لؤي دافن نفسه بأحضانها ، تنفس بعمق يحاول يسيطر على اعصابه قدام ولده الفرحان بأمه

رن جوال غريب عليه وعرف انه جوالها اللي اكد له هو انها ردت عالمكالمه كان يسمع ايش تقول و مستنكر كلامها اللي كان كله "وصلت؟ دخلهم يلا"

انفتح الباب و شاف العامل حقه داخل بشنط كبيره و اثنتين وسط يسحبهم العامل الثاني وراه ، ارتفعت نبضات قلبه و غليله كان يزداد يتمنى اللي بعقله غلط و كذب

: ماما ايش هذا؟

ابتسمت ام لؤي لولدها ثم ناظرت عز وقال : راح ارجع اسكن معكم انت و بابا

توسعت عيون عز و كان راح يتكلم و يهاوشها يبغا يصرخ ويطردها لكن التزم الصمت و وجه عيونه على لؤي اللي ملامح الصدمه كانت معتليته
امه تدري ان ابوه مايتقبل وجودها معه صدق انه يجهل السبب لكن هو يحس

لكن عشانه يحب امه وما يبي يجرحها ابتسم بوسع يحاول يزيف فرحته و قال : واو ماما طيب اسكني بطابقي ايش رايك؟ واحشتني

رفعت امه عيونها على عز و مسحت على ظهر لؤي : لا انا بسكن بطابقي اللي فوق طابق ابوك

قام عز من مكانه و تكلم وهو ماشي لبرا الصاله ناوي يطلع من البيت بكبره : انا طابقك هذا احوله زريبة حيوانات ولا اسكنك فيه انتي ما تستاهلين طابق في بيتي تبين تجين تجلسين مؤقتًا عندك الطابق اللي مع لؤي لأن هو اللي بيعطيك وجه بالبيت ذا غيره لا تدورين يا ماريا

سمعوا صفقه الباب الكبير دليل ان عز طلع ولف لؤي على امه و تكلم بغضب حاول يكتمه : انتي داريه ابوي ما يبيك جنبه و قمتي جيتي مع اغراضك تسكنين عنده؟ حتى بدون ما تعلميني امهد له الموضوع ! ليش يعني يا امي ليش

: انا ابي ابوك يرجع لي انا امك و انت المفروض توقف جنبي ما تعترض على طريق رجعتنا يا لؤي

لؤي قلب عيونه و مشى ماخذ ايباده طالع من الصاله
امه ما كانت شخص زين معاه اصلاً حتى اكثر من مره قالت له انها جابته عشان ابوه يقعد معها ولا هي ما كانت تبي لكن برضو فيه اوقات كانت حنونه فيها وهو يحبها لكنه مستحيل يرضى ابوه يعصب بسببها مستعد يقلب الدنيا ولا يزعل منه او يزعل ابوه اصلاً

ابوه اللي كل ما يمشي بمكان الكل يتلفت له من كبر مقامه عمره ما قصر معاه بشيء حتى لما انفصل عن امه ما كان ناوي يغصبه على شي و كان مستعد يتحمل اي قرار يتخذه لؤي و فعلاً بالبدايه لؤي راح لأمه لكن بعدها ماقدر يتحمل بعده عن ابوه وكمل حياته عايش معه