اهلاً اهلاً !
لا تنسون الڤوت و ارائكم الجميله !
استمتعوا !!
+++++++++++++++
حط عز اخر شنطه بالسياره و قفلها ، توجه لداخل السياره ينتظر لؤي يجي ، كان لابس شورت ابيض و قميص صيفي اصفر نص كم و كان فاتح نص ازراره ولابس نظاره سوداء ، و بفمه حاط الزقاره و ينفثها
فتح النافذه عشان يطلع الدخان منها و اول ما شاف لؤي يطلع من البيت رمى الزقاره برا و زاد التكيف
كان لؤي لابس شورت اسود نفس حق ابوه بس لون غير و قميص ابيض فيه تطريز نسر بالأسود اكمامه طويله بس رافعهم لين كوعه و كان فاتحه كله بس لابس تحته تيشرت اسود ، رافع شعره بالنظاره و يدينه على وجهه يمشي بدون يشوف بسبب الشمس القويه
فتح لؤي الباب و دخل السياره متأفف : يبه حر مودينا بعز الشمس
رفع عز حاجبه و حط الشمسيه قدام و جنب لؤي : خلاص ها ضبطت لك المكان و المكيف بارد ، وبعدين انا ناوي الحق عالشمس يبي لي تان
قال لؤي وهو يبتسم: ليه يبا ناوي تتزوج؟
: شنو الواحد ما يصبغ جسمه الا بيتزوج؟
اومئ لؤي و مد عز يده يخرب شعر لؤي : غلطان
ضحك لؤي و بعد يد ابوه من على شعره و مسكها مشابك يدينهم ببعض: صارت حقتي لا اشوفك محركها
ابتسم عز : يبا فداك اليد و راعيها خذها
شد عز على يد لؤي بخفيف و ظل يناظر حامد و يزيد اللي قاعدين يتناقرون قدام سيارة يزيد عشانها توه صابغها سماوي فاتح و هيض داخل السياره يناديهم يدخلون
ضرب عز هرن مخليهم يوقفون كلامهم و اشر لهم على يده بمعنى تأخرنا ، رفع له يزيد الأبهام وضرب راس حامد داخل للسياره من جهة السايق اما حامد دخل للمقاعد اللي ورا
ضغط عز عالبانزين وهو حاط السياره على الـ p مطلع صوت قوي و عادها اكثر من مره ، الصوت كان قوي بسبب سيارة عز اللي ماخذها هالمره ، رياضيه و يزيد مطورها له
دق يزيد الهرن اكثر من مره وضحك عز مع ولده مقدم السياره جنب سيارة يزيد و فتح لؤي النافذه يصرخ عشان يسمعونه : انتبهوا لا تغرقون
أنت تقرأ
هيض
Romance" يا هيض لأجل ضحكة عيونك جاتك بيوت القصيد أفواج قصيدٍ يذهل أنصار الأدب.. ويثير نقّاده " مثّليه | لا تمت للواقع بصله| عاميه
