هيض

سند

لا تنسون الڤوت و تعليقاتكم الجميله !

وتجاهلوا الأخطاء

استمتعوا

+++++++

مشى عز ببدلته اللي كانت تزيده فخامه ، بخطى ثابته و ثقيله ما كأنه رايح لمنطقة حرب ، يشوف الطياره اللي تتسع لـ ١٠ اشخاص ، قرب منه شخص يعرفه زين .. شخص يكره يشوفه على ان مابينهم اي عداوه او كلام
كانت بيده ورقه لكن ما اهتم لها عز و دق التحيه الشخص هذا لعز مسوي عز المثل : جاهزه؟

اومئ عز و طلع ورقه من جيبه : هذي هي

دايمًا قبل يروح لمهمه خطره ، يرسلون شخص من الجهات العليا ياخذ وصيته لو ما رجع يفتحونها و ينفذون مافيها : بحفظ الله لواء عز ، ارجع لولدك سالم

مشى عز متوجه للطياره ، وبهذي الاثناء كانت العيون كلها عليه كونه رايح مهمه خطره و ممكن يرجع او لا ، قاعدين يشوفون عيونه الثباته اللي ما اهتزت ابد

يمشي وكأنه رايح للنعيم كأنه رايح يتمشى مو رايح لأنقاذ طائره تم قصفها واسقاطها ، وقف عز قدام الدرج الخاص بالطياره ثم لف لـ اللواء اللي كان واقف وراه و دق تحيه ثم خطى للداخل

شم ريحه يعرفها ، ريحه حافظها ريحه يدري من صاحبها لكنه يحاول ينفي ، لا.. مستحيل
رفع عيونه و شاف صاحب الريحه جالس عالكرسي الخاص بالطيار المساعد : هيض !

ابتسم هيض بتوتر ، يدري انه غلطان و المفروض علم عز قبل ما يجي و يدخل الطياره و يفاجئه انه بيروح معاه بس فجأه شاف نفسه ماخذ وصيته من البيت و جاي للمقر
ما يبي يروح عز لحاله ، ولا يدري ليش لكن متأكد روحتهم اثنينهم مع بعض بيكونون سند لبعض في الخطر

شاف ملامح عز تتحول لغضب و لف للواء اللي يشوفهم من الدرج : وش جابه هنا؟
قام هيض من مكانه ومسك كف عز : انا طلبت
كان الجو متوتر بينهم فـ قرر اللواء يعطيهم مساحه الى ما يطلعون بقرار ، وخر عز يد هيض من كفه و تكلم بنبرته الحاده و حاجبه معقودين : هيض راح تنزل الحين

انقبض قلب هيض من نبرة عز الحاده لكن ظل ثابت قدامه .. مستحيل يتحرك ويترك عز لحاله بالخطر هذاك وجودهم مع بعض بيقلل المخاطر : مو نازل عز مو نازل انا رايح معاك انت

غمض عز عيونه يحاول يمسك اعصابه ، مستحيل يضحي بهيض يدري المهمه الانقاذيه بتكون صعبه عليهم كون ان الجو مو صافي و للحين فيه اطلاق نار : خطر يا رجال افهمني خطر ! انت صغير توك الدنيا قدامك انا ان مت انا عشت وعيشت ولدي وربيته انت للحينك ما شفت الحياه هيض اطلع لا تندم