هيض

تدريب

استمتعوا !

___________

صحى من نومه بعد ما دق جواله منزعج منه مافتح عينه لكن رد عالمكالمه وحط الجوال عند اذنه ينتظر المتصل يتكلم: يزيد..

عقد يزيد حواجبه واستعدل بجلسه : يا سهم ما تتعب ! كم مره اصدك و تصر تدق وكم رقم بلكتك منه و تروح تدق من جديد ياولد اعقل

رد سهم بتوتر و قال : يزيد تكفى تعال لي الدباب وقف علي وانا بالظلام ماني عارف وين اروح !

قام يزيد على طول من مكانه مخلي الجوال بأذنه مسنده بكتفه و راح يلقط مفتاح سيارته و تيشرت و سلاحه و شارته : يلا جايك جايك ارسل اللوكيشن

لبس التيشيرت وهو نازل اللي كان لونه اخضر غامض و مر عالمطبخ ياخذ مويه و كم شي خفيف لو كان سهم جوعان او تعب

وفورًا طلع من المكان ، مليون مره يقول له اترك سوالف عالدباب عنك اترك الهبل و طلعات اخر الليالي لكنه ما ياخذ كلامه بجديه

دخل سيارته الرياضيه من نوع تويوتا جي تي معدل عليها
تمامًا و حرك للمكان و هو يشوف اللوكيشن اللي ارسله له سهم ومن حسن الحظ كان يبعد نص ساعه عن مكانه بس ومافيه زحمه بحكم ان الساعه ثلاث الفجر

بعد ما وصل للمكان بدا يشغل انارة السياره و يكبس لسهم اللي اول ما شافه تجمعت الدموع بعيونه
كان خايف جدًا خصوصًا ان المكان جديد عليه و مو مألوف بينما يزيد شال الاغراض من على السيت و حطها ورا ونزل فورًا لسهم

: سهم ! ولد فيك شي ليش تبكي

اندفع سهم بأتجاه يزيد محتضنه بقوه : خفت والله خفت
حاوطه يزيد بيدينه يطمنه ويهمس له بكلمات تطمنه مثل انا هنا وماحصل الا كل خير و عادي تصير كثير

كان ناوي يهاوشه لكن لما شافه متوتر و يبكي راحت كل كلمات الغضب داخله و تبخرت ، دايم يقول لنفسه ، لا تخضع لسهم واحد كبر ولد صديقك واحد اصغر منك بعشرين سنه يوم كان مولود كنت بالعشرين ما تنفع له

لكن اصرار سهم صعب و قاسي عليه و صعب ما يميل له
سهم شخص حنون لأبعد درجه وخصوصًا عليه هو اللي كان فاقد حنان من طفولته