هيض

حرب ||

اهلًا اهلاً !
بارت جديد اتمنى يعجبكم !

شروط البارت الجاي
440 ڤوت
500 كومنت

تجاهلوا الاخطاء الاملائية و استمتعوا !

+++++++++

رفع سلاحه من على الطاوله بعد ما ركب كاتم الصوت و خزان طلقات إضافي بعدها شاله حاطه على كتفه من طرف الحزام
عنده اجتماع مع رؤساء الفريق بسبب دخوله بعد بداية خطتهم ، يبغون يشرحون له عن الأهداف ومين يستهدفون
كان يحس بالحماس ، و اللهفه .. لأن عز بيكون الشخص اللي يطرح الخطه و يتليها على مسامعه

سمع صوت من وراه ، و بسرعة بديهه لف جسمه للجهه الثانيه كونه ما يحب يكون فيه شخص يمشي بسريه وراه
: ووه رخ أعصابك مو مسوي لك شيء
قلب هيض عيونه اول ما انتبه لهوية اللي وراه ، منافسه الأول بالكليه أيام التدريب ، لطالما كان يحاول يتغلب على هيض بالتدريبات و يحاول يكون الأفضل بعيون المدربين ، لكن هيض كان دايمًا متقدم بخطوه عنه و هالشيء خلاه يجي بالمركز الثاني دائما : لا حول ولا قوة إلا بالله ، أنت للحين وراي ؟ متى أشوفك قدامي

رفع فهد حاجبه و تقدم لهيض : مو وراك، اختاروني ك طيار بديل للفريق باء
همهم هيض و لف بعدم اهتمام لكلام فهد اللي اول ما شاف حركة هيض زفر انفاسه بغضب و طلع من الغرفه وراه متوجه لغرفة الاجتماعات مقرر يروح قبل الكل
اما هيض فـ راح كبينته و بدل ملابسه لملابس مريحه اكثر ، كون ان الحين مو وقت عملهم لذلك مو ملزوم بدلته حاليًا
لبس هودي عز اللي كان لونه اسود و مكتوب عليه بخط صغير على جنب اسم البراند و شورت اسود يتماشى مع الهودي

عطر نفسه و بعدها طلع من كبينته إلى مكان اجتماعهم ، كان يشوف كيف الجنود بعضهم يدخن و البعض يحاول يلقى شبكه عشان يتواصل مع أهله رغم معرفتهم من ان مافيه أي تواصل مع احد خارج المعسكر حاليًا عشان مكانهم ما ينكشف للأعداء
و البعض يمشي و هو شارد الذهن و البعض مع اصدقائه يتكلمون عن احداث اليوم
ناظر الأرض و كمل مشي إلى ما وصل لغرفة الاجتماعات شايف عز واقف قدام الباب وبيده زقارته اللي خلص نصها
و بيده الثانيه كوب مويه و حبه صغيره

رفع هيض حاجبه و قرب من عز بخطوات سريعه ثم قال : تأخذ دواك وأنت تدخن؟ تستهبل
رفع عز حاجبه و قرب الحبه من شفايفه و بعد ما بلعها شرب المويه : ما خبرتك طبيب يا هيض
قال هيض بغضب بسيط بادي على صوته : ولا خبرتك متهور يا عز ! وش جاك
ضحك الثاني وهو ينفث اخر ما بقى من زيارته اللي وصلت لأخرها ثم دعسها عالأرض و التفت متوجه للداخل
اما هيض مسح على وجهه بغضب و دخل وراه ، طاحت عيونه على فهد اللي جالس قبال عز و شاف الكرسي الفاضي جنبه ، قرر يجلس جنبه بسبب وضوع المتحدث من هالجهه ، هذا الشيء بيخليه يفهم افضل بعد ما يلاحظ حركات اللي يتكلم