هيض

معًا

اهلاً اهلاً وحشتوني ! بارت جديد و جميل لا تقصرون بالڤوتز و الكومنتس
450ڤوت
600كومنتس

تجاهلوا الأخطاء الإملائيه و استمتعوا !

+++++

فتح عيونه بأرهاق ، يحس جسمه متكسر وثقيل لدرجة مو قادر يحرك حتى اصبعه ، وضحت الرؤيه له و بدت عيونه تدور حول الغرفه الى ما تثبتت على محبوبه اللي جالس متكتف على الكنبه ، مسند راسه على الجدار و مغمض عيونه

كان ناوي يناديه عشان واضح ان نومته مو مريحه لكن قرر يلزم الصمت اول ما رجعت لذاكرته اخر الاحداث
ناظر يمينه شايف جواله على الطاوله الصغيره جنبه لذلك مد يده اللي كان موصول فيها مغذي و اسلاك ثانيه للأجهزه اللي كانت مرتبطه بجسمه

فتحه و دق على عزام كونه كاتب له لو صحى وما شافه جنبه يدق عليه ، ثواني بس و رد عليه : عزام
وصله صوت عزام المليان فرح : حّي هالصوت لا غّيب الله صاحبه ، صحيت يا ابوي؟
همس عزام عشان ما يوصل صوته للنايم : اي .. كم لي يوم غايب عن الوعي ؟
عزام : لك ثلاث ايام ، ساري حبيبي جيب كرتون ماي
همهم عز ثم قال : طيب قريب انت؟

نفى عزام : لا والله شوي بعيد رايح الهايبر يبي لي نص ساعه على الأقل واجيك ، تأمر بشيء؟
عز: فيه احد من العيال بالمستشفى؟ هيض نايم غلط وابي احد يعدل وضعيته
قال عزام وهو يختار انواع البساكيت اللي يبونها : والله خبري لؤي قال بيرجع لك بعد ما يبدل ملابسه ، بعد قلبي نايم عندك هو وهيض ما رضوا يتركونك الى ما غصبه حامد يروح يتروش و يبدل ملابسه

تنهد عز وقال : لا حول ولا قوة الا بالله .. بقفل انا بس لا تبطي علي جوعان
ضحك عزام : تم اجيك الحين احاسب و اطلع لك
عز : ما تقصر

قفل المكالمه و رجع جواله مكانه ثم ناظر يدينه ، شال بعض الأسلاك منه ثم عدل جلسته يحاول يقوم من السرير ، عض شفايفه بألم من جرح معدته وغمض عيونه يحاول يتعود على الألم

بعد دقيقتين قضاها يحاول يتمالك الألم ، حط يدينه على حواف السرير و قام وهو يقاوم الألم اللي يحس فيه بسبب جرحه
اول ما قدر يوقف على رجلينه حط يده على معدته وبدأ يخطي بشويش بأتجاه هيض
ما كان قادر يمشي بأستقامه بسبب معدته لذلك كان يعرج إلى ما وصل جنب محبوبه ، شايف ملامحه المرهقه و كأنه له دهر ما نام
رفع يمناه و حطها على جبين هيض يحس بحرارته ، أبعدها ثم همس : كل هالتعب عشان أيش يا هيض ؟ الدنيا كلها ما تسوى السواد تحت عيونك

حط يدينه ورا رأس هيض ويده الثاني على كتفه و بدأ يحاول يمدده على الكنبه عشان ينام بشكل مريح اكثر ، همهم هيض لكنه كان نايم بكل أريحيه
تنهد عز بألم من ضغطه على الجرح بسبب انحنائه لكن قرر ينهي اللي بدا فيه و و يمدده ، بدأ يحركه بشويش بأتجاه الكنبه الى ما صار جسمه العلوي متمدد على الكنبه