هيض

سُدم

اهلاً !
بارت جديييد
لا تنسون الڤوت و ارائكم الجميله !

تجاهلوا الأغلاط و استمتعوا !

_______

دخل بهيبته اللي اعتادوها جميعهم بعد ما كان رايح اجتماع مع وزير الدفاع الجوي و بعض الأشخاص اللي بنفس رتبته ، عطره الثقيل المخلوط مع ريحة الدخان و بدلته اللي تحاوط جسمه بشكل مثالي ، قبعته اللي ماسكها بيده اليمين و نظرات عيونه اللي ثابته على طريقه بس ، كلها تفاصيل تخلي انفاس هيض تنخطف

كان هيض جالس على طاولة الطعام الموجوده بغرفة الأستراحه كونه ما فطر اليوم فـ كان ياكل بس اول ما شاف عز داخل شال الأكل وحطه بالثلاجه و نظف نفسه زين

تذكر .. تذكر ان امس لما كان ببيت عز ايش صار و صارت خدوده حاره وعلى طول غسل وجهه عشان تروح الحراره
كيف عز قرب منه بعد ما كان مندمج بأنه يكتب اللي قاله له و حط يده على دقنه رافع راسه ، بعدها همس له بـ
" لو ربي ما خلقك على كوكب الأرض ، بتصير مع بيض السحايب سحابه"

يتذكر كيف بعدها ماقدر يكتب كلمتين ورا بعض و اضطروا يوقفون تخطيطهم الى ما هدى هيض ، كان يظن ان عز ما لاحظ توتره بس عز كان ملاحظ و هيمان بـ كيف بجمله يقدر يخليه يختبص

نشف وجهه و مشى رايح لمكتبه ، اخذ الملفات و بدأ يفرزها و بعدها بحث عن اسماء اكثر من شخص بالنظام مثل ما طلبت عز منه من اخر لقاء لهم ، طلع معلوماتهم و ارسلها للطابعه متوجه لعند المتدربين لأن الطابعه جنبهم

طلع لهم و شاف بعضهم متجمعين حول واحد من المتدربين بس ما اهتم ناوي يطيع و يرقى لعز على طول الى ما سمع متدرب يقول : انا والله قايل ، من اول ما طلع بخطته عارف انه ماعنده عقل ولما رفضك الحين عرفت انه مجنون رسمي

رفع هيض حاجب و قرب من المتدربين ويسمعهم يتكلمون بينما هو يسوي نفسه مشغول بملف بيده و اذنه مركزه معهم ، تكلم متدرب ثاني : كل هالكمال اللي فيك ويرفضك؟ مو معقوله عز مو براسه هذا لكن ما ينلام شايب عايب ما يشوف ههههههههه

ظلوا يتكلمون و يتكلمون بينما هيض شاد عالملف اللي بيده و قرب منهم قايل بصوت حاد و غاضب : اسمه اللواء عز يا متدرب ، غير كذا وين الجمال اللي تتكلم عنه هذا؟ و اذا رفضك؟ وبعدين ان جا طاريه مره ثانيه ، كلكم على رجولكم توقفون احترام له هذا اللواء عز مو اي احد ثاني من اللي تعرفونهم.. و اسمع يا ياسر

قرب منه اكثر و همس بأذنه : عز حقي ، ان قربت منه انت او غيرك اقطع رجولكم و ارميها للكلاب

بعد عنه و بعدها صرخ عليه بغضب : مفهوم؟

اومئ ياسر عدة مرات وملامح الدهشه و الرعب على وجهه لأن هيض معروف بأنه اكثر شخص مرح و لطيف مع المتدربين ، لكن صراخه على واحد منهم الحين غريب جدًا و مو من عوايده