هيض

قَضيه

اهلاً اهلاً
وحشتوني ! بارت جديد و احداث جديده

الشروط
1000 كومنت
500 ڤوت

تجاهلوا الاخطاء الإملائيه و استمتعوا !

++++++++++

كان توه راجع بعد ما كرموه هو و فريقه على جهودهم في المهمه الأخيره ، تنهد بتعب شايل القبعه اللي تكمل زيه الرسمي للدوام و حطها على مكتبه ، بعدها جلس عالكرسي يناظر قدامه على صورته هو و ولده اللي وراها صورته مع عياله كلهم ، عيال اخوه
ابتسم و تذكر الصوره الجديده اللي جايبها معه

فتح الدرج اللي بمكتبه بمفتاحه ثم طلع الصوره اللي جابها و قرب الايطار فاتحه بكل حذر عشان ما يشوه نظافة القزاز ، طلع الصوره اللي كانت تضم شخصين بس هو و ولده و بدلها بالصوره اللي التقطوها بليلة رجوعه من المستشفى

فيها عز اللي محاوط بيده اليمين هيض اللي كان شايل ادم و حاني راسه لكتف عز و الابتسامه تعلو وجهه
و يده اليسار لؤي اللي كان متمسك بذراع ابوه و مبتسم بشده واضح الفرحه بجية ابوه ، و اصبعين طالعين من زاوية الصوره و كانت هذي مشاركة تانيا لهم بالصوره

غزت الأبتسامه وجه عز من تذكر الراحه اللي يحس فيها لما يكون حول عايلته ،مافيه شيء يقدر يساويه او حتى يقرب من المساواه

بعد ما قفل الإطار بشكل مُحكم رجعه لمكانه الأصلي و فتح لابتوبه مقرر يطلب بعض القطع عشان يركبها على طيارته ، بعيدًا عن دوامه لكن عز شرى الطياره هذي بعد ما كانوا بيتخلصون منها بعد استهلاك المتدربين لها
لكن عز كان شايف انه يقدر يعدل بعض الخرابات و ترجع مثل الجديده

و فعلاً ، كانت المشروع اللي ما راح يكمله الا بعد ما يرضى عنه تمام الرضا ، دخل الموقع و بدأ يطلب الأشياء اللي كانت موجوده على ورقه صغيره حاطها بجانبه
كان مندمج و مركز وهو يختار القطع و يقارن بين قواتهم المختلفه ، مرات يعدل النظاره الطبيه اللي كان يلبسها وقت يجلس عالأجهزه او يقرأ ، و مرات يغمض عيونه عشان ياخذ قراره

اندماجه بالمقارنات ما خلاه يحس بهيض اللي فتح الباب بشويش ، كان بيده كوبين قهوه مسويهم بنفسه
ناوي يشرب مع محبوبه قهوته ، لكن لما دخل و شايف كيف جالس بأستقامه و هو قاعد يناظر شاشة لابتوبه و يضغط عالأزرار
عض شفايفه و دخل مسكر الباب وراه بهدوء ، بعد ما تقدم هيض خطوات بسيطه داخل المكتب انتبه له عز و رفع عيونه مع ابتسامه بسيطه على وجهه

ما يقدر يسيطر على ابتسامته و ملامح وجهه اللي تنّور كل مره يشوفه فيها ، ابتعد بكرسيه عن المكتب ملتفت لهيض اللي كان يتمايل و كأنه يرقص على اغنيه كان يدندنها براسه لكن بدل يغني كلماتها قال : محبووبك جايب لك قهوه يا محبوبي