هيض

زياره

اهلاً !

لا تنسون الڤوت و ارائكم اللطيفه

استمتعوا و تجاهلوا الأخطاء

++++

في بيت عز

جالس لؤي قدام ابوه و يطالعه بتفحص ، هذا اللي قاعد يسويه من ساعتين بس جالس قدام ابوه عالأرض و يطالعه ينتظره يقول ابي او يقول ان ايه شي يعوره

وكان عز يناظر لؤي برضو و بعدها تنهد : لؤي مو حاله ترا من طلعت من المستشفى وانت كذا جالس قدامي

تربع لؤي و قال بعناد : وماني بمتحرك بقعد اراقبك انا عطيتك وجه شوف شصار لك الحين

اخذ عز المنديل اللي جنبه و رماده على لؤي اللي تفاداه بسرعه : اقول قم قم و شف تانيا جهزه القهوه ولا بيجون ضيوف الحين و حنا ما جهزنا شيء

قام لؤي و راح للمطبخ بينما عز غمض عيونه بأرهاق
توه طالع من المستشفى و تناقلت الأخيار انه تعب و بدوا يدقون يتطمنون عليه الى ما عزمهم و الحين ابتلش

ما كان له خلق و الموضوع ما يستاهل تعب بسيط لكن كل اللي حوله قاعدين يبالغون بردة فعلهم

رن الجرس و فتحت تانيا الباب شايفه الطويل اللي مو قدامها مسرع لدرجة ما انتبه ان فيه انسانه واقفه ورا الباب ، بيده باقة ورد كبيره ومن النظر واضح فيها اكثر من ثلاث مئة ورده ..

كان لابس ثوب كحلي شتوي و غتره بيضاء و بأخر اكمامه حاط له كبك و ريحته القويه الرجاليه ، لمحه عز من بعيد و فورًا تعدل بجلسته بعد ما كان منسدح بتعب

اول ما طاحت عيونهم على بعض تصنموا .. هيض وقف مكانه وما قدر يروح لعند عز وحاس ان قلبه بينفجر من الالم ولا يشوف عز بهذي الحاله .. و عز اللي يحس انفاسه ضاعت من شكل هيض المثالي قدامه

ظلوا يتأملون بعضهم بهدوء وما ينسمع اي صوت داخلين بعالمهم الخاص الى ما جا لؤي و بيده دلال القهوه و مبدل ملابسه هو الثاني لثوب و رفع شعره وحط طوق ، مو حاط بباله يلبس غتره او اي شيء على راسه

وقف بمكانه لما شاف هيض بعدها تحمحم قايل بعد ما شاف ان لا هيض ولا ابوه انتبهوا لدخوله الصاخب : ارحب