هيض

تجهيز

وحشتونيي!!!
طبعًا بما ان لاحظت ان فيه ظلم من ناحية التفاعل قررت اجرب و احط شروط و فعلاًما قصرتوا و جبتوها
عشان كذا راح احط شروط هذا البارت بعد !

٤٥٠ ڤوت + ٤٠٠ تعليق
لا تنسونهم !

استمتعوا و تجاهلوا الأخطاء الاملائيه

+++++

دخل هيض بيت عز وبيده كيس كرتوني .. مع ريحته القويه اللي انتشرت بالمكان ، بعد ما اعطاه عز قنينه من العطر الخاص فيه صار يرشها بكل وقت
اليوم عز كلمه و قال له يجي بيته عشان يشوف الثوب اللي فصله هيض لزواج اخته اللي باقي له اسبوع

شاف عز جالس عالكنبه ، لابس شورت اسود قطني و قميص اسود بدون اكمام و قدامه لؤي اللي يلعب مع اخوه الصغير جالسين عالأرض ، جاء هيض من ورا عز حاط يده على كتفه .. كان ناوي يخوفه لكن ريحته اللي كانت قويه خلت عز يعرف ان حبيب قلبه وراه

تشكلت الابتسامه على وجه عز و قال وهو يمسك يد هيض اللي على كتفه : حي الله حبيب القلب قبل العين
ضحك هيض و شد على يد عز جاي جنبه : هلا فيك ، شلونك؟ و لؤي كيفك ؟
خطف عز نظره على لؤي اللي رفع عيونه مبتسم : الحمدلله بخير دامك بخير
تمتم هيض بـ : دوم

اول ما نزلت نظرات لؤي عنهم رفع عز نفسه و باس عيون هيض بخفه و سرعه و همس : انت اللي يشوف عيونك يحرم عليه اي شيء غير الخير
رفع هيض حاجبه و امتدت يده تبعد عز بشويش : عز شعندك على هالغزل لا يكون بتتزوج؟
ضحك عز بصوته الثقيل و باس باطن يد محبوبه : ايه عجبتني اجواء الزواج

قلب هيض عيونه و الابتسامه على وجهه : اقص الاصبع اللي ينحط فيه خاتم ماهو لي
عض عز شفايفه و همس : يا رجال انا الشيء اذا مو لك و فيك مابيه
بعدها رفع صوته للنبره الطبيعيه : يلا قم ورنا الثوب عشان بعدها نطلع نفصل انا و العيال في نفس الخياط
قام لؤي اول ما سمع جملة ابوه : يبه اليوم؟ اقول لأخواني؟
اومئ عز : ايه رح قول لهم و خلكم موجودين على الثمان نصلي العشاء ونمشي

اومئ لوي و اخذ ادم راقي معه للدور العلوي تارك ابوه اللي التفت لهيض : نروح طابقي؟
هز راسه هيض : ايه يلا وعشان تبدل
حرك عز يدينه يبرز العضلات الواضحه اللي فيها : شفيك خلني اطلع كذا استعرض للناس
ضحك هيض و مشى قدام عز : مافيه احد بيطالع فيك يا الشايب لا تحاول
ابتسم عز و مشى ورى هيض اللي ضل يسولف معه طول طريقهم لطابقه و في المصعد ، لكن الشيء الوحيد اللي كان يقدر عز يسويه هو انه يبوس شفايف هيض بين كل جمله وجمله

ابتعد هيض عن عز اول ما حس فيه بيقرب يبوسه من جديد : اول شوف الثوب بعدين بوسني
رفع عز حاجبه لكن ما قال شيء تارك هيض يروح يبدل ملابسه في غرفة الملابس ، اما هو طلع للشرفه مشغل زقارته