هيض

حدي نظر

فوت و كومنت عشان استمر بالتنزيل!

استمتعوا
اعذروني لو فيه اخطاء ):

++++++

مصطفين كلهم وجنبهم شنطهم اللي تترواح من صغيره لوسط لكبيره ، كل شخص جايب من ثلاثه لأربع شنط كـ حد مسموح

هيض واقف و بيده الدفتر الخاص بتحضير المتدربين وبدأ يحضرهم واحد واحد و هو حاط شنطه جنب شنط عز ، كانت عدد شنط هيض اربع شنط ثنتين كبار و ثنتين وحده وسط و وحده صغيره اما عز كان جايب ثنتين كبار و وحده صغيره

كان عز لابس نظارته السوداء واقف ببدلته مستند عالباص بيننا الزقاره بيده يستنشقها و ينفذها وهو عيونه على هيض وهو ياخذ التحضير

يشوف كيف كل شوي يحرك شعره و يحرك الدفتر جنب وجهه بسبب حرارة اشعة الشمس رغم انهم بالشتاء
الشمس كانت واضحه لسوء حظه اليوم

كان شايف كيف الكل يستمع لهيض و محترمين وجوده و يبتسمون له ، الجميع يشوفه شخص لطيف و مرح عكس عز اللي اذا دخل الكل يسكت خوفًا و احترامًا
قرب يزيد من عز و ولع زقارته هو الثاني : و انت غصب تاخذني معسكر اسبوع

نفث عز دخانه وهو رافع راسه يشوف السماء وقالها بسخريه: ما كفتك اليومين تلاحق فيها سهم يا يزيد

ضحك يزيد بتعجب من جملة عز لكن رد : سهم ، لا ما كفتني هذا سهم مو اي احد ثاني

حرك عز زقارته اللي بين اصبعه الوسطي و السبابه ثم استعدل بوقفته لما شاف هيض قرب ، همس يزيد بأذن عز وهر مبتسم على جنب : مو انت مودينا شهر عسلك

لف عز على يزيد وهمس مابين اسنانه : انت عارف وانا عارف اللي تقوله مو صحيح

: مدري لمتى ناوي تخلي الزمن يجري وانت واقف يا عز لكن .. براحتك

كان يزيد ناوي يكمل جملته بس وجود هيض خلاص يسكت .. تقدم هيض معطي ورقة المتدربين لـ عز يشوفها : لواء عز هذا المتدربين لكن رائد هو الوحيد المو موجود

اومئ عز و رمى الزقاره داعس عليها : ايه ماخذ اجازه