هيض

انقاذ

وحشتكم؟

بارت جميل لكم

استمتعوا و تجاهلوا الاخطاء ولا تنسون الڤوت و ارائكم الجميله !

+++++

: راح ندخل لهم من الغابه للحدود ، انا راح استلم قيادة الفرقه أ و يزيد راح يستلم قيادة ب ، و بنعطيكم تقسيمة الفرق بعدين .. راح ارسل الأسلحه اللي نحتاجها للقياده عشان يرسلونها لنا ، ولا تنسون..

ناظر عز هيض اللي كان يطالعه بعدها شال عيونه عنه: المكان اللي رايحين له مكان حرب ، يعني هذا امن وطن و امن الوطن مسؤوليتنا لذا راح نشد حيلنا و نرجع لأهلنا رافعين الراس .. مفهوم؟

نطقوا كلهم بصوت واحد : مفهوم سيدي
اومئ عز لهم بعدها طلع من المكان متوجه لمكتبه الجديد ، مر اسبوع من نقله لقريب الحدود مع هيض و يزيد للتخطيط على انقاذ الأسرى و قتل الأعداء

دمجوا قوات الدفاع الجوي مع القوات المسلحه و حطوه هو على رأسهم كونه الأكثر خبره و كفاءه خصوصًا انها مو اول حرب يدخلها شخص مثل عز دخل الحرب وهو بعمر الـ ٢١ ما كان يهمه الموت و الى الان

سمع طقات عالباب و تكلم سامح بالدخول الا بـ هيض اللي داخل و واضح على ملامحه انه متضايق ، تنهد عز عارف وش السبب .. قرب هيض و قال : ممكن افهم ليش متجاهلني الأيام اللي راحت؟

نزل عز راسه و عيونه بضيق هو الثاني ، ما كان ناوي يتجاهل هيض ولا بقصده بس لا ارادي قاعد ينفر منه بسبب حلاوة المشاعر اللي حاس فيها

قرب هيض اكثر الى ما صار قدام عز تمامًا : ما تبيني اقرب منك و ما تبيني ابعد عنك .. فهمني عز انت شتبي

مسك عز يد هيض و جلسه عالمكتب قدامه و دخل بين رجوله بينما يدين الثاني بين يدينه: هيض والله انا عارف اني مُحير كأني المد و الجزر مره اقرب مره ابعد

تنهد عز وكمل كلامه:  قاعد احاول .. احاول اعرف و اقرر مشاعري هيض انا مو غبي ولا انا ما اميز المشاعر انا شايف شلون عيونك ما تطيح من علي و شايف كيف تبي تصير جنبي طول الوقت و تبيني انا عارف كل هذا بس مابي اجيك و انا طايح

بدأ عز يحرك اصبعه داخل كف هيض: ابي اجيك بكل قوتي و اجيك واثق مو متردد عشاني خايف عليك .. ابيك تدري ان والله مهما طالت انا قاعد اشتغل على نفسي و احاول عشانك ، همم؟

تنهد هيض و حط يده فوق يد عز : بنتظرك عز .. بنتظرك بس لا تطول علي ماحب
اشر عز على عيونه : من عيني هذي قبل هذي
ابتسم هيض وبعدها قام من مكانه : انا رايح اشوف عدد الأسرى و توزيعنا عشان للحين ماشفتهم