هيض

بدايَه

استمتعوا

________

دخل بخطوات ثقيله ، رافع راسه و كتوفه مستقيمه
عيونه على اللي قدامه ما تتحرك ، ثابت جدًا
يمشي بين صفين من الرجال اللي كانوا مشكلين ممر طويل يمر بوسطه الى ما يوصل لنهاية الغُرفه
و بعد عدة خطوات وصل و التف بهدوء وثقه طاغيه على مظهره ، و نظراته ، و رزته

ألتفت يقابل الصفوف اللي أعادوا تشكيلتهم حتى صاروا يقابلونه و بدل ما كانوا صفين صاروا أربع صفوف
تحرك رجل ما كان هو على معرفه فيه ، و تقدم للأمام

" تحيه للقائد"

صرخ بأعلى صوته وبعدها ما كان ينسمع إلا صوت أقدامهم اللي ضربت بالأرض و أيديهم اللي صارت بيمين جبينهم يحييون فيها الرئيس ثم تراجع للخلف يصطف مع الأخرين اللي بعد ما رجع قائدهم رجعوا يدينهم لجانب فخوذهم معتدلين بوقوفهم احترامًا له

حرك عيونه اخيرًا عن القائد بعد ما جذب انتباهه بتحيته له و بدأ يمررها على جميع الأفراد الموجودين أمامه
تحرك هو للأمام ثم نطق

: السلام عليكم ، انا رئيس الطيارين ، اللواء عز بن سامر ، و مثل ما تعرفون راح أكون رئيسكم للفتره المقبله .. أعرف التغيير المفاجئ صعب لكن بإذن الله راح نتفاهم بشكل جيد و مناسب للبيئه حولنا و فيه بعض الأمور راح أنوه عليها من البدايه ، انا رجل مُحب للأنضباط .. وأنتم كبار و فاهميين أن التأخير راح يحطكم في قائمة النقل ، لذا ابغا انضباط بالعمل و التزام بالمواعيد .. غيره انتم لكم الحريه بكل شيء

و بعد ما انهى كلامه صرخوا بصوت واحد " حاضر سيدي"

شعور النشوه اللي حصل فيه عز ، منظر الأخرين وهم يخضعون للأوامر الخاصه فيه واللي يطلقها مثل مايبي يرضي شعور السيطره فيه .. هذا سبب دراسته لتخصص نادر مثل هذا و بالخصوص في زمانه اللي غالبًا أي شخص يجازف ويدخل الجامعه كان يصير معلم أو طبيب مثل الجميع