هيض

تقارب

احس هالمره بسرعه حدثت ولا؟
يلا عاد اتمنى اشوف اشياء حلوه مثلكم عشان انا اسوي اشياء حلوه بعد!

استمتعوا و تجاهلوا الاخطاء الاملائيه !

+++++

كان هيض جاي بيوم اجازته لبيت عز ، ماخذ ادم حجه بعد ما قال له حامد انه بيطلع و ان عز بالبيت لحاله مع ولده و قاعد يلعب مع الطفل اللي صار يقول كلمة دادا

يراقبه وهو يركب العابه بس عقله مشغول .. شوقه و مشاعره اللي جابته لعز و الشوق اللي لاعب في قلبه لعب

اعطوهم اجازه لمدة شهرين بسبب المهمه الأخيره و مرت بس يومين وبدأ شوق هيض يشتغل و يحسسه بألم في صدره وعقله

ناظر عز اللي كان جالس قدامه و جنبه ولده اللي لاصق فيه وقاعدين يشوفون مقطع من جوال لؤي و يضحكون عليه

ابتسم هيض بدون وعي وهو شايف ضحكة عز يحس ان رغد الحياه كلها يجي من ضحكته بس يشوف كيف حول عيونه يتجعد بشكل خفيف وجميل يشوف كيف اسنانه المصفوفه بمثاليه تبان مع كل مره يضحك فيها

يشوف يدينه اللي على راس لؤي و تلعب بشعره و يتمنى لو كان مكانه ، تنهد و نزل عيونه لـ ادم اللي كان يطالعه و جالس بمكانه

ابتسم هيض و دغدغ الطفل اللي على طول ضحك بسبب اصابع هيض على بطنه : تطالعني يا نونو تطالعني ما اتحمل

رفع عز عيونه عليهم و قال لـ لؤي : لؤي يبا قوم امسك ادم و خل هيض يجي جنبي ابي اكلمه

اومئ لوي و اخذ جواله قايم لأخوه الصغير رافعه بعد ما استأذن من هيض: اهلاً يا اخوي للجميل تعال عند اخوك الكبير ، هيض ابوي يبيك

: يبيني؟

اومئ لؤي وهو يمشي متوجه لداخل البيت وشدد على كلمته: ايوه يبيك..
قام هيض من مكانه و نفض التراب من على ملابسه بعدها تقدم لـ عز اللي فصخ نظارته الطبيه وحطها قدامه
و ركز على اللي قاعد يقرب منه بشويش

جلس هيض مكان لؤي و قال: امر؟

همهم عز و بعدها حط راسه على فخوذ هيض و ناظر هيض من تحت : امم .. مشتااق لك
توسعت عيون المقصود : هاه