هيض

عقد الحب

وحشتوني قد الدنيا !
بما اني قطعت شوي ادري انكم زعلانين لكن الظروف و الحمدلله الحين كل شيء افضل و برجع لكم مثل اول !
شروط هالبارت هي
500 كومنت
330 ڤوت

استمتعوا !
+++++++

اصوات الرجال العاليه و الايدين المتصافحه كانت طاغيه في كل المكان ، واقف و البشت على كتوفه يحاوط جسمه
الشماغ معطي خصلات شعره .. مرتب لحيته و حاط عطر حبيبه و زايد عليه بخور امه

التباريك كانت تغمره .. العريس على يمينه و الكل واقفين على شكل صف واحد عشان يسلمون عليهم
كانت القاعه مليانه ، بعضهم اصدقاء هيض و قرايبهم
و بعضهم ربع نافل و اهله ..

مشغول مع العدد الهائل من الرجال الموجودين هنا
اللي يسلم و اللي يبارك واللي يضمه مشتاق ، رفع يديه يسلم على الواقف قدامه بدون ينتبه لوجهه
حس باليد تشد على يده وهالشيء خلاه يرفع عيونه يطالع وجه اللي قدامه

حس بأطرافه تتجمد ، و ملامح وجهه تصلبت
تكلم اللي قدامه بصوته الهادي : مبروك يا هيض .. نقول عقبالك؟
ما رد عليه هيض وهالشيء خلاه يقرب شوي من هيض ويهمس به جنب اذنه : ابي اتكلم معاك بعد ما تخلص السلام

كانت الكلمه على طرف لسان هيض ، كان بيرفض انه يقابله لكن يد قطعت التلامس بينه و بين اللي قدامه
انتقلت عيونه للشخص اللي قطع سلامهم و شاف عزام
واقف و يده اليسار على عصاته اما يده اليمين بينهم
وراه ساري اللي كانت ملامحه جامده و صارمه و يناظر الشخص الجديد بالنسبه لهم

ابتسم هيض بتصنع فورًا و قال : يااا مرحبا
اول ما سمع الشخص كلمة هيض قرر ينسحب و يخطط انه يكلمه بعد يخلص السلام مهما تطلب منه الموضوع
اما هيض اول ما حس بالطرف الثاني ينسحب تنهد و شد على يد عزام : شخبارك عساك بخير؟
بعدها مد يده لساري و سلم عليه برضو و سمع رد عزام يقول : الحمدلله .. من هذا السربوت؟

وطى صوته في اخر كلمه بجملته عشان يسمعه هيض و ساري ، ابتسم ساري على كلمة عزام لأنه يدري اذا قالها يعني الشخص مو عاجبه ومادخل مزاجه و بيبحث عنه لين يعرف اصله
عدل هيض البشت عليه وقال : موضوع طويل .. بقوله لكم بعدين ، الحين تفضلوا اول الكراسي قدامها واحد يقهويكم موصيه عليكم

اومئ عزام و مشى بخطى ثابته رغم العرج الخفيف اللي فيها ، واللي بطريقه ما زادها هيبه بعيون ساري و الاشخاص حولهم .. تأمل ساري شكل عزام بالثوب الكحلي و الشماغ ، مع القلم اللي محفور عليه اسم عزام من الأمام و من الخلف يدري ان المحفور عليه هو اسمه
لأنه هو اللي اعطاه اياه بمناسبة افتتاح اول شركه خيريه لعزام ، عكس ثوبه الأبيض من القماش الفاخر واللي اختاره له عزام وهو يقول" ودي اعمي عيونهم وما يشوفك غيري احد "