" في حروب الارواح مالقيت الا انتِ يالروح الندية "

البارت الثاني

عند العنود وهي تعدل كحلتها على عينها الوساع وتغني بصوتها العذب :
{ ترى راعي الهوى مفضوح
صحيح النظرة ماتكفي
من الآلام ما تشفي
ولكن عذرنا الحاضِر ؟
نراعي الوقت والخاطِر !
مادام النظر مسمُوح ..
أشُوفك گُـــل  يــوم و أروح
عسَـى النظرة ترِد الرُوح }
ام العنود : الله الله شهالزين وين رايحة ؟
العنود وهي تلبس ذهبها : ابد يانظر عيني البنات عازميني
ام العنود : ايي روحي روحي وترا جوك خطاب اليوم
العنود : من يمهه
ام العنود ولد عمك يبيك
العنود : السلتوح ذاك مالقيتوا غيره تزوجونيه
ام العنود وهي تضحك : قطع وش سلتوحه
العنود تعلو ثغرها ابتسامة : عسى هالضحكة دوم
بس ماني موافقة
ام العنود : وراك ليش ؟
العنود : مادانية وانا صغّيرة تبيني اتزوجه وانا شكبري
مابيه مابيه
ام العنود : على هواك
العنود وهي تغني شاركتها امها : { لالا أجي و أروح بنظرةً من عيونه لالا ولين اظلمت دنياي ونوره عمرها ! لالالا تضايقون الترف لا تضايقونه !.. لالا خلوه يجيني من حياته ثمرها }
العنود : عشتي يا ام العنود الباهية
ام العنود : عاشت ايامك البسي ذا حلو
العنود وهي تهز راسها بنعم
قبلت رأس امها ولبست برقعها وطلعت
-
‎دلال : اففف تعبت خلاص خل نرجع البيت
سعاد : اللي يشوفك يقول من اليوم تحومين ترا تو دخلنا
دلال : طيب اخلصي بسرعه
سعاد : هذي مو كنها ام العنود
دلال : يوهه ياشينها
سعاد : تعالي نسلم عليها
ام العنود وهي تقلب والخضار وتسأل بكم
سعاد : ام العنود
ام العنود : ياهلا سعاد صح ؟
سعاد : اي وشلونك
ام العنود وهي تصغر عيونها : بخير جعلك بخير إلا ذي منهي
دلال : دلال انا دلال شلونك ؟
ام العنود : طيبه وانتِ
دلال : طيبين إلا وينهي العنود ما اشوفها معك
ام العنود : مسيرة عند بنات الديرة يلا انا بمشي قدري على النار
دلال : اي واضح انها مسيرة
سعاد : اصص فشلتينا
ام العنود رجعت للخلف وهي تمسك دلال : شقلتي ؟
دلال : شفيك ماقلت شي
سعاد : ام العنود روحي روحي قدرك على النار
ام العنود بشك : اي اي بروح
سعاد : انتِ ماتستحين ع وجهك !
دلال : انا ما استحي اي خليك على عماك بكرا صالح يرصك بالثانية وقولي دلال ماقالت
سعاد : اعوذ بالله منك امشي بس امشي
-
العنود وهي تطرق الباب :
يأهل البيت يأهل البيت
طلعت لها سلطانه : حياك حياك
دخلت العنود وهي تسلم على سلطانه :
نقعتيني بالحر الله يهديك
سلطانه : هذاني فتحت ادخلي حياك
العنود وهي تنزل البرقع وتكشف على جمالها الفاتن : الله يحيك دخلت وهي تسلم على البنات وتجلس : نوف شلونك يالعنود : بخير جعلك بخير شلونكم بنات
ردوا عليها بمختلف الردود مابين
بخير جعلك بخير ، وطيبين
ندى بشر: ألا يالعنود شلونك بعد الكلام ياويلي عليك
العنود وهي تقطب بحاجبيها : أي كلام
نوف : ماعليك منها ذي دايخة
العنود : اصص اي كلام
ندى : يقولون انك تمرين بين الرجال وتبين تاخذينهم من حريمهم
العنود بضحكة مستفزة : ومنهو اللي يقوله ؟
ندى : الناس
العنود : شكل الناس هم انتِ مير اقولك انا بطقة اصبع يجيني الرجال لحد باب بيتي وهي تطلق ضحكاتها المستفزة
ندى : انا بقوم اصلي
العنود : ازين لك  كود ربي يفكنا من شرك
نعود للحاضر بينما