" في حروب الارواح مالقيت الا انتِ يالروح الندية "

البارت الرابع والخمسين

همس بأذنها بحراره : ياشين الحظ خاينة وحلوه !
بلعت ريقها بتوتر من قربه عدل وقفته وهو يوقف جنبها لأجل يصورون
الجدة ليالي : يلا يلا انزلوا خل نستقبل الحاضرين نزلوا مع الجدة وهم فرحانين لهم جاهلين اللي صاير بهم
المصورة : امسك خصرها وقرب منها
ارتبكت جُمان وهي تحاول تبعد بشويش الجمتها مسكته لها وهو يشد على يدها بقوه ناظر بعيونها الراجفة احتدت نظراته مجرد ماتذكر خيانتها ! اقترب منها وهو يمسك خصرها ويقرب منها
حس برجفتها الغير متوقعة استغربت جُمان من رجفتها حست انها شوي وتبكي
نطقت المصوره وبضحك: شفيك ياعروسه؟لهدرجة توتر!
امير بسخرية : هي مره بالعمر بتعيش بهالتوتر والخوف خليها
-
" قسم الحريم "
دخلوا عائلة صالح وهم يسلمون بكل فخامتهم
الجدة ليالي : الله يبارك فيك ومبروك خطبة سليمان الله يسعدهم
العنود : امين
سُعاد : مبروك ي ام ماجد الله يجمع مابينهم على خير
الجدة ليالي : امين ، حياكم
دخلوا وهم يجلسون ب اقرب طاولة جتهم رحاب وهي تسلم عليهم بحكم انها ماشافتهم من يومين
قاموا وهم يروحون للبنات
سُلاف وهي تسلم : مبروك
افنان : الله يبارك فيك عقبالتس
ابتسمت بحزن من تذكرت كلام امها تنهدت قائلة : امين
هند وهي تضرب سُلاف بخفه وتهمس : الحين بيقولون طايحة بكبد نفسها !
قامت سُلاف بعدم تحمل طلعت لدورات المياة الخارجية
وقفت قدام المغاسل وهي تشوف نفسها ابتدت بالبكاء وهي تحاول تمسك نفسها
افنان : يلا قوموا نرقص
قاموا وهم يرقصون ويتمايلون دخلت معهم نسرين والجوهرة وابتهاج وهنادي ومايا وهم يتمايلون معهم
-
" مسك "
دخلت البوفيه وهي جوعانه دخلت بحذر وهي خايفه ان احد يشوفها لأن البوفيه له بوابه تفتح لقسم الرجال
سكرت الباب بسرعه وهي تدخل مسكت صحن وهي تحط فيه ورق عنب بدت تاكل بجوع واضح عليها
فزت بخوف وهي رافعه صحنها من سمعت خطوات وضحكات الرجال قربت للباب وهي تسمع اذا فيه احد فتح الباب سياف بقوه رجعت ورا من دفها الباب
وسع عيونه بصدمه من شافها واقفه سكر الباب بسرعه وهو يناظر فيها كانت لابسه فستان سُكري ومزين ثغرها روجها الاحمر ومجوهراتها اللي باللون العنابي وشعرها الويفي بلع ريقه من جمالها
مسك والدموع بعيونها : الله لايوفقك صد !
جاء بينطق بس صدمه البوابه اللي انفتحت اسرع وهو يسكرها بس كانت سُرعة ماجد اقوى تصنم مكانه يوم شافها موجودة بكامل زينتها عنده والاعظم من ذلك " لحالهم "  تنفس بسرعه هائلة وبغيره على بنته ارتفعت نبرة صوته : شتسوين هنا !
مسك وهي تبلع اللي بفمها : والله مو مثل اللي انت شايفه يبه !
ماجد : تراب يملى فمك انتِ وياه !
سياف بتوتر : قسم بالله ما اعرفها يابو عُدي
ماجد بعصبيه : ولا كلمة البنت لك من الحين تفو عليتس ربيت وحده خيخة مثلتس! اجل تشوفينه من وراي
طاح الصحن منها ونزلت دمعه حاره على خدها كان يومها كله ضحك مادرت ان الاقدار مخبيه لها هالمصيبه ارتجفت اعضائها من لحظة ما ابوها قال " البنت لك " : يبه والله ما اعرفه
دمعت عيونه وهو ينطق : ياحسافة تربيتي فيتس
سياف وهو يصوت بصوت عالي : هييي هيييي وش اللي لك ولي وتربيتي قسم بالله ماعرفها ولا ادري منهي بنته !
اللتفت له وعيونه شرار : دواك عند ابوك يالخسيس تحسب بتنحاش من فعلتك !
مسك وهي تبكي : يببهه بس اسمعني !!
ماجد : ولا كلمهههه ! طلع قبل لايجرم فيهم !
تقدمت مسك وهي تتمسك بياقة سياف : تكفى تكفى ياولد الناس كلمه !
تجمد بمكانه من حاله اللي انقلب من عازب لمتزوج واللي واقفه قدامه تترجاه زوجتة !