" في حروب الارواح مالقيت الا انتِ يالروح الندية "

البارت التاسع

في الحاضر والديار والقُرى قد تطورت بالتكنولوجيا الحديثة و قد تطورت بتكبيرها وفي وسط الديار الصغيرة التي يملؤها الضحك واصوات الاطفال ونسائهم وهن يُنادن اطفالهم ورجالهم وهم يُحرّجون على بضائعهم
واصوات الرعد والبرق تتعالى في بيت ابو راشد
ابو راشد وحريمه جالسين بالحوش يتقهوون ونجود تسقي الزرع وتغني { اللي يشوفك يقول يابخت راعي النصيب ويموت بك من يشوفك لو كان قلبه حجر }
قاطعتها سُلاف وهي تحمل كوبين قهوة وتمدها لنجود : اي والله يابخت راعي النصيب
نجود بنرجسية وهي تضحك : والله يابخت اللي بياخذ بنات صالح ال نـمّـر
هند : الا الله يعينه بذات اللي بياخذك
نجود وهي تتخصر : ليش ياعيوني الا ياحظه 
هند : اجل يلا خلونا نروح لانبطي
ابو راشد وهو يقول قصيدة : { يافاتناً بالحب قلبي قد ملك هل أنت من حواء وأدم أم مـلـگَ عيني اذا نظرت بِـحُسنك سبحت }
نجود : صح لسانك يبه
ابو راشد : صح بدنك وانا ابوك
العنود بغنج : شكل هالقصيدة لي ياحبيبي
سعاد : لا غلطانه الزعندنا والشين حوالينا يالشينه
العنود : اههئ  ياحبيبتي شكلك تقصدين نفسك شوفي عيالي الصلاة على النبي جمال وكمال
هند وهي تصب القهوة : افا يامرت ابوي تقصدين اني شينة
العنود بإستيعاب : لا بالله ماقصدت يابنيتي وانتِ تدرين بغلاتك عندي من غلاة عيالي
سعاد وهي تمسك عصاة صالح وتضرب بها العنود : حسك لا اسمعه
نجود : خاله شفيك على امي !!
صالح : وجع هذا قدامي اجل من وراي شيصير
نايف : نحر رقبه
العنود وهي تقوم : نايف ياهلا ومرحبا تو مانور البيت
نايف وهو يسلم على امه ويقبل رأسها : بنورك ياحلوة اللبن
توجه نايف لأبوه وهو يقبل رأسه : شلونك يبه
ابو راشد بزعل : احسن من لونك
نايف : افا يابو راشد زعلان مني
ابو راشد : ياللي ماتخاف ربك اسبوعين ماترد علي
نايف : والله شغل حتى جوالي مقدر امسك اسمحلي يبه
ابو راشد : مسموح يابوك هند صبي القهوه
هند : تبشر وحشتنا يالخبل
سعاد بأبتسامه : تو مانورت الديار بقدومك ياوليدي
نايف بأبتسامة : بنورك ياعمه  
العنود : شهرين وانت غايب عنا عساكم ماتغيبون عنا انت واخوانك 
الكل : امين
سلمان وهو داخل بتحلطم وهو ماسك الخروف : والله ماعاد اروح سوق الغنم
الكل التفت عليه وهم يضحكون
سعاد وهي تضحك : يالخبل لاتمسكه مع اذانيه
ابو راشد وهو كاتم الضحكة : شبلاك ياولد امسكها زين
سلمان : يرضيك يايبه امسك مسافه مع هالحر والخروف ويوم اوصل لصندوق ينحاش مني الخروف والحقه
نجود وهي ماسكة بطنها من الضحك : اهههههههخخ يالخبل ليتني معك اصور
سُلاف : هههههههههه ياعزتي لك بس
هند : ثور والله فيه احد يمسك مسافه عشان يحط الخروف بالصندوق كان قربت السيارة ههههه
سلمان : ياحليل اخواني حليلاه كنت ارتاح وهم يسنعون الامور لي
نايف ماقدر يمسك ضحكته وانفجر ضحك ورا الباب
سلمان فز : بسم الله ذا من
نايف بضحك: اجل ياحليلنا هااه
سلمان فز وهو يسلم عليه : هلااا يامرحبا
نايف وهو يجلس : هات علومك
سلمان : ابد مامنه علوم
ابو راشد بتساؤل : الخروف وين
سلمان وهو يلتفت : انحااااااشش
قام نايف وسلمان يلحقون الخروف وكل واحد من جهه
سلطان وهو طالع من بيتهم والخروف متوجه له
نايف : امسكهه
مسكه سلطان وعطاه العيال
سلمان وهو يلهث : يعطيك العافيه
سلطان : كيف انحاش
نايف وهو يلهث : الخبل جايب الخروف ونسى يسكر الباب وشوفة عينك هذانا نلحقه
سلطان انفجر وهو يضحك : الله يسعدك مثل ماضحكتني
سلطان بإستعياب وهو يسلم : اوههه نايف حمدلله سلامتك متى جيت
نايف : الله يسلمك والله قبل ساعه واصل
سلطان : كيف عاد شغلك ؟
نايف : ياخوي خلها على ربك ضاغطينا ضغط
سلمان : وبترجع ؟
نايف : ماظنتي
ابو سلطان وهو طالع : هلااا ويامرحبا
نايف : هلا بك ياعم شلون صحتك
ابو سلطان : خلك مني انت شلون قرة عينا بشوفتك
نايف : تسلم ياعم
سلطان : اجل بذي المناسبة لازم نسويلك عشاء
ابو سلطان : اكيد هذا ولدي الثاني وعشاك اليوم عندي وانا ابوك
سلمان بهمس : وانا ولد البطه السوده
ضحك ابو سلطان والعيال عليه : ولا يهمك وانت معه وانت يانايف قل لأبوك ان عمي فهد عازمكم على العشاء اليوم ان شاء الله
نايف : ماتقصر ياعم
دخلوا بيوتهم وسلمان ماسك الخروف
-
في بيت ابو سلطان

بيت ابو سلطان : ام سلطان وهي تطحن الهيل يا الريم قومي قومي وانا امك ساعديني
الرّيم وهي تطل مع الشباك : زين زين جايه
هلا يمه ؟
ام سلطان : تعالي حطي الهيل بهالأطقم
الرّيم : ابشري إلا يمه
ام سلطان  : هاااه
الرّيم : ابي ذهب
ام سلطان : والذهب اللي قبل شهر وينهو
الرّيم : خلاص يمه شافوه
ام سلطان : اجل قولي لأبوك وماهو مقصر
الرّيم : ان شاء الله
سلطان : وهذي الاغراض اللي طلبتيها
ام سلطان : جعلني ماخلا منك يوليدي
الرّيم بغيرة : يمـه وانا
سلطان بضحكة : غارت غارت
ام سلطان : جعلني ماخلا منكم الاثنين
ابو سلطان بضحك: وانا
ام سلطان احمرت وجنتاها من الخجل : وانت معهم
الرّيم وهي تحضن ابوها : دادييي
ابو سلطان : وش دادي ما دادي ارفعي علومك
الرّيم وهي تضحك : يبـه ابي ذهب
ابو سلطان : تبشرين لك انتِ وامك
سلطان : اشوف الدلع كلـه على امي والرّيم
ابو سلطان : يستاهلون وانت عندي لك مفاجأة
سلطان : وشي
ابو سلطان بهمس : سيارة
سلطان وهو يصرخ بفرح : الله عليك يابو سلطان
الرّيم : يبه السياره وين
أبو سلطان : للحين ماشريتها ابي سلطان يختارها
سلطان بفرحة : الحين نروح
ابو سلطان : منتب صاحي اليوم عندنا عشاء ولا نسيت
ام سلطان : هااو عشاء من
ابو سلطان : ولد ابو راشد نايف وصل اليوم
ام سلطان بفرحة : بعد شهرين غياب الله يخليه لامه اجل الرّيم قومي ساعديني
الرّيـم : حاضر يمه
بدو يجهزون التجهيزات