نجود : ذي ؟
مايا : ذي لها اسم !! وبعدين انا قلت ابي غرفتي ماقلت ودني لهم تبي تسوي مشاكل انت ؟
راشد : واضح من بيسوي مشاكل ! ، بترقدين معهم انتِ يعني انتِ المشكلة بكبرها !
حزت بخاطرها كلمته بس تجاهلت : نعمم انام معاهمم ليششش؟؟؟!
نجود : وشوو ذي تنام معنا !
هند وهي منسدحة : من اللي بتنام معنا ؟
نجود : عقرب البيت !
سُلاف : ومن عقرب البيت ، نجودي اذا ماعندك سالفه صكي النور وخليني اناممم
نجود بسخرية : مايا
فزوا سُلاف وهند : وشتبي ذي ، خيررر
مايا : والله ما انام معهم !
راشد بسخرية منها : وين بتنامين مثلاً بحضني يعني ؟
مايا با انحراج وخجل : سخييف !
راشد بهمس لنجود : ياخي تكفون خلوها تنام عندكم وتفكني من شرها بس اليوم وبعدين ابوي يتفاهم معها
نجود : ادخلي !
مايا برفض تام : ماراح انام معكم يعني ماراح انام !
نجود وهي تسكر الباب : نومة اهل جدي
التفتت لراشد ودموعها عالقه : ابي امي!
راشد : ياربي بدال ما امسك ورعي قاعد امسك ورع الناس ! ناظرها بتمعن ولعيونها الدامعة اسرته ملامحها العذبة وجمالها تعوذ من ابليس من داخله : خخلاص امشي معي ادبر لتس غرفة ماطرا في باله الا غرفته
فتح الغرفة وهو يشعل اضويتها
نزل بنته النائمة وهو يبوس خدها
التفت لمايا المنحرجة منه : اءء اسمعي دام مابه غرف بالبيت فاضيه فا اجلسي بغرفتي لين ندبر لك غرفة
هزت راسها بموافقة
اكمل كلامه : وانا بروح انام مع العيال
قبل لايطلع تذكر الدرج : اءء اسمعي الدرج ذا لا اشوفتس مقربه منه فاهمه !
طلع من الغرفة سُرعان ما اخذت نفس عميق وهي مستغربة ليش انقلبوا بناته عليها تذكرت كلام امها وهي تقول لها " يابنتي ماراح يتركونك بحالك بيضحكون معك فالبداية لكن بعدين لا بيعتبرونك عدوة لهم ! "
دخلوا وهم تعبانين من الطريق 3:40 مساءً
سليمان : مثل ماقلت لكم ابعدوا عن المشاكل !
العنود بغثى : طيبببب
سُعاد : تصبحون على خير
قاطعهم نزولها من الدرج وهي تناظرهم
تشمرت العنود وهي محترقة
رحاب : السلام عليكم
سُعاد بتكشيرة : زين عرفتي تسلمين !
زفرت انفاسها بقرف : نعرف نسلم! وخلونا نبدا صفحة جديدة ونصير مثل الخوات !!
العنود بضحكة مليانه شر : اي اي بنفتح صفحاااااتت جديدة مو صفحة وحدة
سُرعان مامسكتها بشعرها وهي تنزلها بالأرض وتضربها
سُعاد : اي اقوى ، مع البطن يالعنود مع البطن ارفسيها!!
طلعوا من غرفهم وهم يفرقونهم عن بعض
نزل ابو راشد بسرعة لكن الجمه رؤية حريمه يتضاربون
صفق عصاته بالأرض : العنوددد !
توقفت العنود عن الحركة وهي تراها بين يدينها مغشي عليها من قوة الضرب
استقامت بوقفتها وهي تعدل شعرها الطويل التفتت لأبو راشد بحدة : نعممم !
ابو راشد : نعامة ترفس العدو !
نجود وهي واقفه ووراها خواتها ضحكت بخفة : والله وذبحتها امي
سُلاف وهي تمسك امها وتدخلها الغرفة : عاشت العنودد
العنود بضحكة انتصار : عاشت ايامك
سُعاد وهي تضحك : من بعد اليوم اضمنوا انها فبيت اهلها
هند : و بورقة طلاقها بعد
دخلوا العيال وهم متفحمين من العصبية بسبب فعلة امهاتهم
سليمان : يمه انا مو قايل لاتسووووون مشاكل وخلو الليلة تعدي على خير
العنود وهي تصغر عيونها : خير ولا شر اليوم ولابكرا مستحيل اتركها الا ود/مها سابقها فاهم !
راشد بغضب : خالهه المرة د/مها طلعتيه وهذا هي مغمى عليها بغرفتها !!
نجود : كله د/م خفيف !
العنود وهي تحط رجل على رجل وتلعب بشعرها بعدم اهتمام : تستاهل ، بنات قوموا سولنا دلة قهوة تروقنا عقب الفخر اللي سويناه
سُعاد : اي والله وانت تعال ياللي ماتحشم احد وتدافع على العقربة امشي همز اكتافي تعورني
" غرفة رحاب "
مايا وهي تبكي : شفت شفت شسووا حريمك اللي مايخافون ربك !!
ابو راشد بخوف : الله لايبارك فيهم من حريم
صحت رحاب وهي تحس الدنيا تدور فيها
رحاب : وشصار ؟
مايا : العنود وسُعاد ضربوك لين ما اغمى عليك يبون يحرموني منك الله يحرمهم عافيتهم
رحاب : استغفري ترا وراهم عيال
مايا بطرف عين : وانتِ وراك بنت !!
ابو راشد : انتِ شسويتي عشان تضربتس ؟
رحاب : ماسويت شي نزلت من الدرج وسلمت الا وطارت العنود فيني ضرب وسُعاد تحرضها
استقامت مايا وهي تجمع قوتها مسحت دموعها : والله ما اخليهم
توجهت لغرفة العنود وهي تفتحها بسرعة
فزوا من فتحها للباب
هند : ووجعه !
العنود وهي تنزل فنجالها وعليها ضحكة ساخرة : هاا شسوت امك كملت ليلتها طبيعي ولادلوعة تحرض صالح علينا !
مايا بحقد : والله ما اخليك
سُرعان ما اقتحمتها وهي تشد شعرها وتخنقها : قسمممم بالله لو اشششوففك موطوطة عند غرفة اميييي اني لأخليكك جنازههة فاهمههه !!!
سُعاد بكره : فكيها وكسر يكسر يدينك ان شاء الله
زادت على قبضتها وكانت بتموت على يدينها
سُرعان ماسحبها راشد
وهي تضربه بكل قوتها : فكنيييييييي!!
طلعها برا الغرفة وهو ينزلها بالارض وعيونه تطلع شرار
: والله ان ماعقلتي ياويلتسس !
مايا بعدم تحمل وهي تبكي : امي بغت تموتت وانت تقولي ياويلتسس علمن ياصلك ويتعداك لو واحد منكم قرب من امي لأحرقه بأرضه فاهممم!
سحبها راشد من ذراعها بسخرية : من تهددين انتِ ؟!
مايا وهي تبادله السخرية : انت ! اهدد راشد بن صالح
اكملت بكل قوتها : واللي تهدده مايا بنت فهاد
سحبت ذراعها بكل قوتها وهي تتركه
ناموا بعد يوم طويل ومُهلك ومُتعب
استيقظت جمان وهي تنزل للمطبخ تسوي الفطور
دخلت وهي تفتح شعرها الطويل اللامع وانتشر منه رائحة المسك
طلعت التاوة وهي ناوية تسوي شكشوكة
-
صحى من رائحة الافطار ورائحة القهوة وصوت القرآن استفاق وهو يحس نفسيته متحسنة عقب الزواج والتعب
دخل دورة المياه " يُكرم القارئ "
دقائق معدودة وهو طالع نشف شعره ولبس ثوبه
تسحب للمطبخ وهو جوعان
تأففت وهي تشوف الشاهي انكب على الطاولة سُرعان مادخل امير وهو يصبح عليها
وسعت عيونها بصدمه : يامال الوجع اللي يوجعك انقلع برا المطبخ !!!!!
انلخم امير من الصراخ وهو مرتبك من صوتها الناعم رجع بيلف الا ويلاقي جده نازل على الصوت
رجع للمطبخ وهو يسحبها معه ويدخلها ورا المستودع
سكر على انفاسها بيده
فتحت عيونها بصدمة من قربه الزايد لها وتعالت انفاسها بقوة من كتمه لها
دخل الجد وهو متأكد من صوت الازعاج بالمطبخ
تعوذ من ابليس وهو يرجع لكن استوقف من سماعه لصوتتتت💥💥💥💥💥
ادعموني بنجمه 💙⭐️🤏🏻
أنت تقرأ
" في حروب الارواح مالقيت الا انتِ يالروح الندية "
Korkuأهلًا وسهلا فيكم في رواية ( في حروب الارواح مالقيت الا انتِ يالروح الندية ) بينما تدور احداث الرواية بِرجُل متزوج ثلاث وعايشين بالديرة حيث ان كل يوم احداث وهواش بين الضرائر لكن يجي يوم وتصير كارثة في بيت ابو راشد ( صالح ) وهي جريمة قتل بين ( حري...
