" في حروب الارواح مالقيت الا انتِ يالروح الندية "

البارت الرابع والاربعين

دخل وهو يرجف الباب بكل قوته على الجدار تقدم من غرفة جده وهو يرفع يده ويضرب الباب
فزوا من قوة ضرباته وهم يطلعون من غرفهم
ماجد بغضب وبجانبه مناهل اللي واضح عليها النوم : وجع يقص ضلع العدو شفيك تمشي وترجد بالباب !
سُرعان مافتح الجد الباب ووجهه واضح عليه الرعب : بسم الله شفيك بك شي اخوانك بهم شي
قامت الجدة وهي تسحب شيلتها وتقف بجانب زوجها
عُدي وهو يلهث : الحقوا على عمتي رحاب الاسعاف شالتها للمستشفى !
فز فايز برعب : وششش !
اغمى على الجدة بخوف ورعب صرخوا بخوف وهم يشيلونها
ماجد وهو يمسك ابوه اللي من الخبر ماقدر يوقف على رجوله
-
" امير و جُمان " 
جلسوا وهم يضحكون وهم مستغربين من حالهم فجعهم صوت طق الباب وصراخهم فوق فزوا بخوف وهم يتجهون لمصدر الصوت
-
" المستشفى "
دخلوها غرفة العمليات وهي تهطل د/م
ما انتبهت مايا للد/م الا بعد ماتسكرت البوابه نزلت انظارها ليدها وللأرض اللي كلها امتلت
لفت على راشد بخوف
راشد وهو يهديها : اهدي اهدي طبيعي تنزف ان شاء الله تقوم بالسلامه
ابو راشد وهو جالس وماسك عكازه بعصبيه لف على سُعاد : اسمعي والله لو ادري انك انتِ والعنود ورا هالسالفه انكم ماتعينون مني خير !
سُعاد بحدة : حتى والعنود مو موجودة مُصر انك تدخلها بكل كبيره وصغيره !
دخل سليمان ووراه نايف وهم متلثمين اثر الجو البارد
سليمان بهمس : بسرعهه انتم الثلاث قدامي الحين لا اجرم فيكم !
خافوا وهم يلحقونه
لف سليمان وهو يناظرهم بحدة : انتم اللي ذابحينها صح !؟
هند بتمثيل للغضب : اعوذ بالله حتى خواتك اتهمتهم ؟!
ضرب يده بالجدار وهم متأكد من مصداقية حديثه : هذا مو اتهام ذي الحقيقه ! انا مو قايل لكم محد له شغل فيها فرضاً لو ماتت تدرين انتِ وياه انكم بتروحون فيها اعدام ضحك بسخرية وهو يفور غضب : هذا اذا امي وخالتي مو معكم
بلعت ريقها نجود بخوف وهي تُعلن انسحابها  مسكها سليمان بغضب : وين بتذلفين !
نجود : بروح لأمي انا مالي شغل
اصر على اسنانه بغضب شديد : والله محد خرب امي غيرك انتِ وتحريضك عليها لكن انتِ بوجه المدفع لو تموت بتروحين اعدام يالراس الكبير

دخلوا عائلة الجابر وهم يمشون بسرعة ويدفون امهم بعربيتها
التقوا بعائلة صالح اللي واقفين ينتظرون ان رحاب تطلع
فزت مايا وهي تنزل دموعها وتركض تحضن خالتها حورية
حورية بحنيه : تعوذي من ابليس ياحبيبتي
مايا بحرقه ودموعها تنزل : حرقوا قلبي عليها وانا مالي غيرها حرقوني وانا حيه جعل ربي يحرقهم
الجد جابر وعيونه تطلق شرار : محد يحرق قلبك وانا راسي يشم الهواء
تقدم لصالح اللي وقف وعياله وراه
الجد جابر بحدة : عطيتك بنتي وانا ظني انك بتصونها اخرتها اتنقل من مستشفى الى مستشفى
ابو راشد بيأس : انت عارفني زين يابو ماجد اني ماخذيتها الا وانا بصونها لكن والله اني جاي وانا مدري وش بلاها
ماجد ابو عُدي : بلاها حريمك !
الجد جابر بغضب : اشششش لا تكلموا الكبار الصغار يسكتون
ابو راشد : اجلس بس اجلس خل ننتظر منهم خبر
جلسوا وهم ينتظرون خبر يسرهم
مناهل : حبيبتي مايا انتِ متأكدة انهم السبب ؟؟؟
مايا با اصرار : اييي شفيكم ماتصدقوني !
جُمان وهي حاضنه مايا : خالتي شفيك البنت بهم لاتزيدينها
مناهل : صح صح ماعليه يابنتي  لفت وهي تجلس بجانب حورية اللي ماسكة مايا
حورية وهي مصوبه انظارها لسُعاد اللي باين عليها التوتر همست لمناهل : اقول هذي واضح انها مو على بعضها يعني هي الراس الثاني من بعد العنود !
مناهل وهي تناظرهم بحده : لاتقولين ترا واضح عليها كلشي وحتى انها ااا قاطع حديثهم دخول العنود وهي تتمايل بخطواتها
لفت مايا وهي تشوفها تبتسم من ورا البرقع قامت وهي بتتكلم بس مسكتها جُمان وهي تهمس لها : لاتخلينهم يطبعون المشكلة عليك اهدي !
العنود : السلام عليكم
ردوا عليها السلام
سُعاد وهي تأشر لها تجلس جنبها
العنود وهي تناظرهم : ها شصار
سُعاد : اعنبوك قولي وش ماصار انتِ مسوية بها شي غير الكفوف اللي جتها !
العنود وهي معقده حواجبها : لا ، بس شكلها قويه لين مانزفت