" في حروب الارواح مالقيت الا انتِ يالروح الندية "

البارت الاول

قبل ٣٦ سنة في الديار الجميلة والقرى الصغيرة وجيرانها في ديرة اسمها ( )
في الصباح كانت سعاد في المطبخ تسوي الفطور وهي تغني ( الله خلقّ لي نفس تسمّو على البوح .. ماهيب الى ضاقت من الهم باحت على كثر ماشفت ضيفان وجروح .. لا الوجه متغير ولا العين صاحت ) اءءهه جعلني ما ابكيك يابو راشد
ابو راشد وهو في الصالة يصلح التلفزيون : إلا يامره اعجلي علينا !
سعاد : جيتك جيتك يابعدهم جيتك
ابو راشد بإبتسامه: يازينك زيناه ياسعاد القلب صبيلي شاهي لاهنتي
سعاد : تبشر وتامر
ابو راشد : إلا وينهو راشد ما اشوفه
سعاد : نايم المسيكين مانام إلا متأخر
ابوراشد : اجل انا بروح المحل توصيني على شي
سعاد : ما أفطرت
ابو راشد : لا بالله افطرت وشوي بكلمك بموضوع
سعاد : وش موضوعه ؟
ابو راشد بضحكة : لا تستعجلين على رزقك يابنت الحلال تركها ابو راشد
تركها ابو راشد بدوامة التفكير التي احتالت سعاد قطع تفكيرها طق الباب قامت تفتح الباب
سعاد : دليل هوو شفيك تطقين الباب تسذا ؟
دلال وهي تتنفس بسرعة : اسمعيني حنا لازم نجّود رجاجيلنا
سعاد وهي تضحك : هوو علامك اجلسي اجلسي
دلال : ملعونة الجدف العنود رجال الديرة مغير يحكون بها
سعاد : شتقصدين
دلال : اقصد جودي رجلك من ساعة شفتها عنده فالمحل
سعاد : يووهه خوفتيني احسب عندك سالفة
دلال وهي فاتحة عيونها بصدمة : وش تقولين انتِ
سعاد : ابد قاعدة تشتري قماش شفيك خذيتيها بمشراع وميداف
دلال : هاااه تقولينه صادقه
سعاد : اي والله صادقه انتِ شفتيهم يسولفون ولا يضحكون
دلال : لا
سعاد :اجل اصص وتعالي نروح السوق
دلال بصوت واطي : لعنبوها مافيها غيره
سعاد : ترا اسمعك
دلال : وجع وانا صادقة
سعاد وهي تلبس عبايتها وبرقعها وولدها مع دلال : خلي عنك الحكي اللي ماله داعي الحقيني
-
في المحل : العنود بدلع إلا اقول بكم هالقماش
صالح ابو راشد : هذي ب ٢٥٠
العنود : هوو غالية
صالح بتخرفن: ابشري باللي يسر خاطرك
ضحكت العنود وهي تقول : يازينك يابو راشد
مجرد ماقالت يازينك صالح بدون وعي :
وويل صالح منك اءء اقصد ابشري
طلعت العنود وقدامها سعاد
دخلت سعاد واختها :
هلا بزوجي حبيبي
صالح : يامرحبا بدهر قلبي ورجعانه
دلال : شلونك يابو راشد
صالح : طيب دامكم بخير
دلال بلقافه: إلا ماقلت لنا يابو راشد العنود شتسوي هنا
صالح : اذا مرتي ما سألت شعندك تسألين
دلال : ابد والله اخيتي ما اسأل
صالح : زبونة حالها حال الزباين
دلال : الله المستعان طيب بكم هالقماش
صالح : ٢٥٠
دلال : شدعوة غالية
صالح : مقدر ارخص فيه
سعاد : ابي فلوس بنزل السوق انا واختي
صالح : ابشري كم تبين
سعاد : اللي بجي من كم رزق من الله مدلها صالح ٧٥٠