" في حروب الارواح مالقيت الا انتِ يالروح الندية "

البارت الواحد والاربعين

تأوهت بخوف من الحلم اللي داهمها وهي تتعرق بسُرعة كبيرة ومخيفة لحظات وهي تقوم بفزع : اعوذ بالله من الشيطان الرجيم
دخلت مارلين وهي شايلة سلة الغسيل : نسرين بابا ناصر يبي انتِ تحت
مسحت على شعرها وهي تبعده عن وجهها : طيب خلاص روحي
قامت وهي تدخل دورة المياة حوالي ٤٥ دقيقة وهي طالعة بمنشفتها وتنشف شعرها
دقائق قليلة وهي نازلة لأبوها
-
مارلين بملل : بابا هذا كم مره انت في يزرع خلي ولي
ناصر بضحك : خلي ولي انت يلا جيبي موية سريع
دخلت نسرين وهي مبتسمة : هلا يبه
ناصر : ياهلا ومرحبتين تعالي اجلسي يابنيتي
نسرين : فيك شي يبه ؟
ناصر با ابتسامه : لا ابد مافيني شي لكن جاك خطاب وجاي انا اشوف اذا انتِ موافقه ولالا
انصدمت بالخبر وهي تحس قلبها يوجعها على سليمان : بس يبه
اكمل ناصر : واللي خطبتس سليمان صالح ولد جارنا
سُرعان مازفرت با ارتياح وهي تبتسم
ناصر : شقولتس يابنيتي تبينه ولا نرده ؟
نسرين بخجل : اللي تشوفه يبه
ناصر وهو يضحك بقوة : يعني تبينه والله اني داري مير الله يوفقكم ويرزقكم الذرية الصالحة
دخلت غرفتها وهي غرقانه من الفرح سُرعان مادفنت وجهها بالمخدة وهي تصرخ
رفعت راسها وهي تضرب وجهها بخفه : احلم انا احلم
قاطع حوارها مع نفسها اتصال الرّيم
نسرين : ريومممم
الرّيم با انزعاج : وجعه تصك اذنيييييي ابيها
نسرين بحماس : سليمان خطبني خطبنييييييي !
فزت الرّيم وهي تتلعثم : وششش صادقه ولا تمزحين ؟؟؟
نسرين : والله ما امزح وربي صادقهه
الرّيم وهي تبادلها الحماس : سيده على بيتنا امي تبيتس وانا ابي اعرف السالفة
نسرين : يلا جايه جايه
قامت وهي تلبس والفرح محتويها
-
سلطان بنداء : الرّيمممم !
سكرت المكالمة وهي تجلس : اسلم شعندك ؟
سلطان : اءء مدري شقولتس ياوخيتي لكن الاخت سند
الرّيم بحزم وحماس : سند
سلطان : وجنة
الرّيم : وجنة
سلطان : وكلشي
الرّيم با ابتسامه مكشوفه : وكلشي ، مير هذا مو كلام اخوي انت وراك علة وتبيني افزع لك بها بس قل !
سلطان : ابيك تهربين لي هند ابي اشوفها واكحل عيوني بشوفتها لي شهر مالمحتها !
شهقت بصدمة وهي تضربه بخفه : تستهبل وين اهربها لك !
سلطان : ترا خلاص ملكنا يعني حلالي ابي اشوفها انا ناخيك !
الرّيم : الله يفشلك لاتفشلني وين اهربها والله لو يدري ابوها ليخليك تطلقها وانت ماتشوف الدرب
سلطان : ان ماقلت لهم محد بداري بس سدي حلقتس !
الرّيم : افا وانا بنت فهد انا اعلم على اخوي !
سلطان بفخر : ونعم !
الرّيم : ينعم بحالك ، شف صح انك مرجوج وماتنبلع لكن شسوي ياربي اخوي ومالي غيره
سلطان بفرح : انفداتس ياشيخة الشيخات ها يالله قمي البسي عباتس وجبيها لي
الرّيم : وين اجيبها لك ؟
سلطان بحماس : بسوق الخضره
الرّيم وهي تصفق : الله يفشلك الناس تروح البحر تروح لمطاعم لأماكن زينة وانت سوق الخضره !
سلطان : تراني عطيتس وجه قومي !
قامت من نومها وهي منزعجة من اللي صار لها امس
رن منبهها وبحركة سريعة منها رمته بقوتها
ابعدت شعرها عن وجهها وهي تقوم
تدخل دورة المياة
-
الجد جابر وهو جامع احفاده على سفرة الفطور وينتظر امير يصحى
مد صقر يده وهو ياكل
عُدي وهو يطقه مع يده : ياتبن انتظر لين جدي ياكل
رفع انظاره لجده اللي مصوب عيونه له بنظرات حارقه
الجد جابر : اي زط زط من هالاكل
صقر : والله نسيت ياجدي بس ترانا جواعا واندبلت
تسبودنا من عريسكم ساعه عشان يلبس وحنا ورانا دوامات
ماجد بهمس لعُدي : المرجوج وينهو فيه !
عُدي : يقول بيتروش ويجي
الجد بعدم صبر : يلا سمو بالرحمن
شمروا اكمامهم وهو ياكلون لكن استوقفهم صوت
امير : السلام عليكم
ردو عليه السلام
مشى لجده وهو يحب راسه ومن ثم انتقل لأبوه وعمه
نزل صقر راسه بمعنى حتى انا
سحب عليه وهو يجلس
وطاحوا يضحكون على صقر
صقر : ايا السلوقي والله ثم والله ياهذاك الشي اللي موصيني عليه ما اجيبه لك
امير وهو يضحك : لو اموت ؟
صقر : لو توقع ف الأرض
فايز : شموصيك فيه ؟
صقر : اللي هو خابره
الجد جابر : وينك فيه لنا ساعه ننتظرك !
امير : والله اني طولت بالنومة هالمره اعذرني
ماجد بحدة : عقب الفشيلة اللي امس محدً مكلمك
مسح امير على وجهه بقرف : يبه الله يرضى لي عليك اللي فات مات انسوا !
فايز : مب فشيلتك لحالك ياخوي حتى المصروعة اللي امس مفشلتني منكم
الجد بحدة : اللي يخلص يقوم على شغله !