" في حروب الارواح مالقيت الا انتِ يالروح الندية "

البارت الخامس والاربعين

الجد جابر وهو يشوف الساعة : ها خلصتوا ؟
مناهل وهي تلبس عبايتها : اي ياعمي
نزلت افنان وبيدها عبايتها وعباية مسك : ترا جُمان ماراح تجي تقول تعبانة مالها خلق
الجدة ليالي : على هواها مير لابغت شي خل تدق !
تنحنح ماجد ووراه فايز : ها خلصتوا يبه ترا عرسهم بدري خل نمشي
الجد جابر : يلا يلا ساعدوا امكم وجيبوها السيارة
-
طلعت سُلاف من البيت وهي لابسة عبايتها استوقفها اللي واقف قبال سيارته ويدخن التفت لها وهو يميزها عرفها وهو يصد
سُلاف بنفسها : جعلك تختنق وتموت وماتلقى احد يسعفك ! يالمريضض
نزلت انظارها للارض وهي تدور شي ترميه عليه من قهرها خذت نفس وهي تتوجه لبيت ام بسام
بعد دقائق وصلت وهي تطرق الباب
ام بسام : جيت جيت
فتحت الباب وهي تسلم عليها : ياحي هالشوفه الزينة
سُلاف بخجل : مشكورة ياخالتي
ام بسام : بغيتي شي ياحبيبتي ؟
سُلاف : ابد جيت اساعدك امي سُعاد كانت بترسل ام جمال عليك بس تعبانه وارسلتني بدالها اساعدك
ام بسام بحب : ياجعلني ماخلا ها حياتس يابنيتي
دخلت وهي تفصخ عبايتها وتبعد شعرها عن وجهها وتلخق ام بسام
سُلاف : وش اسوي ياخاله ؟
ام بسام : بس طلعي المعجنات من الفرن ياقليبي
لبست البيز " القلفز العازل للحرارة " وهي تطلع المعجنات اشتمت رائحتها الجميلة بحب : يسلم هاليدين يارب
ام بسام : خذي لتس لقمه وقولي رايتس مدت يدها سُلاف بحماس وهي تاكل وشهيتها مفتوحة
قاطعهم دخول ابو بسام و بسام وراه
فزت ام بسام بسرعه : وراك يابو بسام في حريم
ارتعب ابو بسام وهو يحمد ربه ماشافها ورجع ورا : حريم ؟
ام بسام : اي بنت ابو راشد جاية تساعدني
ابو بسام با ابتسامه : مشكورة يابنيتي لاخلا ولاعدم
سُلاف وهي ترد بخجل : العفو ياعمي
ابو بسام وهو ينادي ام بسام : خليها تتغطى وخلي بسام يدخل يشوف الذبيحة ويغسلها ويطبخها انا يعجبني طبخه بالذبايح 
ام بسام : ابشر ، سُلاف حبيبتي تغطي بسام بيدخل يسوي الذبيحة ويطلع.
توترت وهي تتغطى بسرعة واستغربت دخوله دخل وهو يلقي السلام ومعه قدر الذبيحه والذبيحة داخله
ردت السلام وهي تساعد امه
" كان غطاهم قديم الخفيف ذاك يارب عرفتوه 😭"
ابتسمت ام بسام وهي تشوفها تشتغل وتساعدها وهي تدعي من داخلها انها تكون من نصيب ولدها
بسام بحدة : يمه البصل وين ؟
ام بسام وهي تحرك الجريش : هذا هي تقطعه سُلاف لاخلصتي عطيه بسام يابعدي
رفعت الصحن وهي تقوم وتمده له
بسام وهو ياخذه وهو صاد : تسلمين
راحت وهي تكمل شغلها ام بسام : انا بروح للمقلط برتبه وبكنسه انتبه للكشنة لاتحرق
بسام بهمس : يمه ارتاحي وخليها تكنسه تراك كبرتي يابعيدي
ام بسام با اصرار : لا بروح انا
سحب اللحم وهو يقطعه ولف لها وهي واقفه : تعالي غسلي الكرش على ما اخلص
وسعت عيونها بصدمه وهي تناظر صحن الكرش تجمعت الدموع بعينها وهي متقرفه من الدم واللحم : اءء طيب عطني الشغل الباقي بس الا الكرش !
التفت لها بصدمه : ماتغسلين ببيت ابوتس كرش !؟
هزت راسها بلا زفر انفاسه بغضب وهو يقول بداخله : وشذا ماتعرف !! تكلم بصوت مسموع : طيب تعالي قطعي الشحم واحمسيه وانا بقطع باقي الذبيحة
انصدمت اكثر وهي تنطق بحده : اقولك ماغسلت الكرش عشان اقطع لك الشحم عطني شي ثاني !!
بسام وهو يستغفر : انتِ بك شي وش تبين شغل ثاني تبين الصدق روحي للمقلط خذي المكنسه من امي وخلي امي تجي تساعدني
سُلاف وهي بتتكلم قاطعه : لايكون ماتعرفين تكنسين بعد ؟؟؟
سُلاف : لا ما اعرف
بسام : يارب ارحمني برحمتك
صرخت بخفه : بتجيب لي الضغط اكيد اعرف !