" في حروب الارواح مالقيت الا انتِ يالروح الندية "

البارت الثالث والثلاثين

" عند البنات "
دخلت وعطرها يفوح معها تأملت المكان بأبتسامه باهته
سمت بالله ودخلت عليهم : السلام عليكم
ردوا عليها السلام وقاموا وهم يسلمون بحُب عليها
العنود بحُب : هلا بدنيتي شلونك يمه ؟
نسرين بفرحة : تمام ابشرك انتِ شخبارك ؟
العنود : دامك بخير ف انا بخير
سُلاف : حياك يانسرين
الرّيم وهي تحضنها : ياحيوانه احسبك مب جايه
نجود : شعندك تسبينها قدامنا تراها مرت اخونا
وسعوا عيونهم بصدمه وهم يناظرون نجود اللي توهقت وهي تحاول ترقع : ش شفيكم ترا امزح يعنيي ماتعرفون م مزحي !!!
تقدمت العنود بفشله وهي تقرص نجود بخصرها سُرعان مانقزت نجود من الالم اللي داهمها وهي تتدارك الموقف : شرايكممم نرقص
العنود : اي جيبي السماعة خل نرقص
تركت ظهرها وهي تروح
نسرين : اءء وين دورة المياة ؟
هند بأبتسامه : على يمينك ياقلبي
عادوا لجلستهم وهم يضحكون ويحشون
تقدمت نسرين للمغاسل وهي مرتبكة من اللي صار فتحت شنطتها وهي تطلع روجها الاحمر وتجدد روجها وبعد انتهائها منه سحبت عطرها وهي تتعطر بكرم
تقدم سليمان وهو كان ناوي ينادي سُلاف عشان تجهز لهم الشاهي والقهوة
وقف وهو يشوفها قدامه ويتفحصها طاحت انظاره على خصرها وجسمها المنحوت وشامتها اللي تتوسط صدرها
رفع انظاره عليها وهو يشوفها تحدد روجها
قال بتخدير : ياجعلني فداك وفدا روجتس
خلصت وهي تسحب شنطتها وتلف انصعقت من منظره امامها وهو واقف بهيبته لكن اللي يشوفه يقول ان قلبه مو معه
نسرين بخوف : سليمان !
سليمان : لبيه جعلني فداك
نسرين : تكفى روح قبل يشوفنا احد !
سليمان : والله وانا ولد ابوي مايمر اسبوع الا وانا خاطبتس
نسرين : وجع غض بصرك وروح تكفىى!
سليمان وهو يعدل شماغه : تبشرين يانسرين قلبي

هند : نسرين !!؟
فزت نسرين من نداء هند لها
سحبت سليمان وهي تدخله بأحد دورات المياة
تأمل عيونها الخايفه  وشفايفها اللي توسطت قلبه !
سُرعان ماطلعت وهي توقف بأرتباك واضح عليها
هند : نسرين وينك فيه ؟
نسرين بتلعثم : ككنتت كنت اعدل نفسي
هند بشك : احس فيك شي ؟
نسرين بأبتسامه مرتبكة : وشفيني يعني اءءء اقول خل نروح للبنات قبل لايفقدونا
طلع سليمان من دورات المياه وهو دايخ بجمالها : صاروخخخ
-
ابو راشد وهو يشوف سليمان مقبل عليه : ولدد وين كنت فيه ابطيت !
سليمان : يبه ياجعلني فداك كنت عند البنات انتظرهن يسون القهوة والشاهي
ابو راشد بحدة : ووينهو الشاهي والقهوة ؟!!
نظر سليمان بيدينه الفاضيه وهو يكمل كذبته : ايييي البنات قالن لي اذا جهزت بيدقون علي
استسلم ابو راشد له وهو يعرف انه نصاب : راشد
راشد : سمّ
ابو راشد : رح لخواتك وجب القهاوي والشاهي هالمطفوق ما اثق فيه !
سليمان : احح
ناصر بدفاع : لا ياصالح ما اسمح لك عاد سليمان بحسبة ولدي وعزوة بنتي من بعدي
سليمان بطق صدر : ونعممم فيك وفيها جعلني افداكم
" بعد دقائق "
طلع هو ونايف برا
نايف : ياولد لاتوهق نفسك !
سليمان بجدية : وظيفة وانقبلت ومن بكرا ابدأ ليش ما اكلمه عن زواجي فبنته ؟!
نايف : والمصاريف وهذا كله وين بتصرفه
سليمان : بوظيفتي يجيني كلشي وربك مايقصر
نايف : ونعم بالله بس الزواج مو لعبه الزواج مصاريف وبكرا بتجيبون عيال يبيلها تفكير شوي ياسليمان !
سليمان : انا بكلم ابوي يفاتحه بالموضوع وان شاء الله الباقيه تتيسر
نايف : لاتحسب ان مالك عزوه وسند من بعد الله ولاتحسب اننا مانبيك تتزوج ابد بنوقف معك وتامر وخيرنا واجد بس الحذر واجب
سليمان : ابشر
قامت هند من عندهم وهي تطلع برا تنتظر اخوانها يجون
عشان تدخل العشاء
زفرت بملل وهي ترفع شعرها ارعبها صوت سلطان وهو يسكر فمها
هند بفزع : سسلطان ووجع !
سلطان وهو يبتسم : اححح هذا وانا جاي اكحل عيني بشوفتس تقولين لي هالحكي !!!
عدلت شعرها وهي تناظر فيه : واللي يبي يكحل عينه بشوفة زوجته يرعبها ! فرضاً توقف قلبي !!
سلطان : ان توقف قلبك ف انا قلبك الثاني ، اسمعي الزواج بعد شهر ترا تجهزي
شهقت هند وهي تمسك يدينه : تستهبل صح ؟!
كيف بعد شهر مو قلت لي بعد ٧ شهور !!!
سلطان : عادي مابها شي الزواج ماراح يتغير موعده بعد ٧شهور يعني ٧ شهور ، وبعدين وينك يالقاطعه ما اشوفتس دريشتك انام واصحى عليها وراني ما اشوفتس
ضحكت بخجل وهي تبعد شعرها ورا اذنها : الله اكبر تنام وتصحى عليها !
بعدين لازم اصير ثقيله دام زواجنا بعد شهر
سلطان : احب الثقيلين ياناسس
هند : خلاص روح لايشوفك ابوي وراشد
سلطان : احبك
هند : خلاصصص روح
مسك معصمها وهو يسحبها اتجاهه : قوليها
هند: خلاص احبك بس تكفى روح
سلطان وهو يعض يده بحماس : ياحلوتس حلواه
دخلوا العيال بعد ماراح سلطان وهم شايلين صحون العشاء
راشد وهو يمسك ظهره : اسمعي جهزي لنا نعناع بعد العشاء
سليمان وهو كاتم ضحكته : عجزت يابو صبا
نايف : اي بالله شييّب اخونا
راشد : ولد انت وياه اقلها احترموا مشاعري !
سليمان : يارجّال على تبن انت ماعندك مشاعر لا مشاعر حُب ولا مشاعر حزن ولا اشتياق ولا كره ولا محبه
راشد : انت المفروض مايقبلونك عسكري المفروض نحطك بقناة الاخبارية تفضح فيهم هناك
انفجروا وهم يضحكون ويساعدون هند عشان تدخل العشاء