" في حروب الارواح مالقيت الا انتِ يالروح الندية "

البارت الحادي والعشرين

يوم جديد على اهل الديرة تحديداً بيت ابو راشد
طلع نايف وهو يمسح على عينه اثر انه توه صاحي
قطع صمته اتصال
راشد : الووهه
نايف : ياهلا ومرحبا
راشد : شخبارك ؟
نايف : بخير ولله الحمد انت وشلونك وشلون صبا ؟
راشد : بخير جعلك بخير شلون امي وابوي واخواني
نايف : طيبين ماعليهم متى تجي ترا طولت علينا
ضحك راشد وهو يردف : اسمع انا جايكم بالطريق لاتقول لأحد
فز نايف : وشو ابك انت صادق ولا تكذب
راشد : لا صادق مير جهز القهوة ولحد يحس مسافة الطريق وانا جاي
نايف : ابشررر ابشر ابشر
دخلت نجود وهي شايله ثيابه
نجود : خلاص تعبت والله ثيابك خذها وكوها انت مالي دخل فيك
نايف : وجع هذا الكلام لأخوك
نجود : تبيني اغسل لك ؟
نايف : اي
نجود : زيد القريشات وتبشر
نايف وهي يلبس ثوبه : إلا قلتي لي تبين تروحين لصديقاتك ؟
نجود : اي
نايف : اجل ادفعي سعر البانزين وابشري
صرخت بقهر : نااااااايففف
-
ابو راشد : هنا هنا
سليمان : يبه كم مره سقيت هالزرعة انا
ابو راشد : اقول لا يكثر و اسق الزرعة
سليمان : يبه تبي اقولك سالفه
ابو راشد : لا ولي يرحم والديك نقطنا بسكاتك اعرف حركاتك يبه بقولك سالفه عشان تنسيني الزرعة
سليمان : اجل حافظني
ابو راشد : صم
-
بيت الجد جابر ال مسعد
قرب امير منها : شقلتي
افنان : يعني بخاف منك
اردف بهدوء مرعب : شقلتي
افنان وهي تقوم : قلت الله ياخذك ياكلب
دخلت مسك عليهم
مسك : افف خربت عليكم الزبدة جدي معصب تحت يبيكم
صرخت افنان وهي ترمي المخدة عليها : اطلعي برااا
طلعت وهي تضحك
امير : خير شهالصراخ !
افنان وهي تدفعه للباب : وانت انقلع معها
شد على مسكته بمعصمها وهو يردف : قسم بالله اذا سمعتك تمدين يدك لأدفنك هنا واغير تفكير جدي انه مايقبلك بالطب سامعه
رمى يدها وهو يدفعها وطلع
افنان : الله ياخذك ياحقير
-
نزلت مسك وهي تجلس
الجد : وين امير ارسلته وماجاء
مسك : جالس يصحيها
نزل امير من الدرج : جيت جيت
قام الجد وهو يرفع عصاته بأتجاء صدره : شموديك غرفتها انا قايل لك طق الباب لاتدخل ماهي بمحرم لك ياتعبان
امير : انا تعبان
الجد وهو يلف على الموجودين بالصالة : قم انقلع من وجهي والكلام ذا مو بس لك لكم كلكم محدن يدخل بغرفة احد مب محرم له فاهمين وقم طس جب عامل يصلح لمبات الحوش
الجدة : شفيك انت على الولد ؟!
اردف : انطقي كلامي مو معك
حورية : يبه اذكر ربك ابي اصيلة ماء
الجدة : اي ذا اللي انتِ فالحة فيه تشوفينه يهيني وتقولين تبا ماء
-
طلعت الرّيم وهي تدف نسرين بعربيتها
الرّيم : خلاص نقول الحمدلله على السلامة رجعتي تشوفين ياروحي
ابتسمت نسرين : الحمدلله على النعمة والعافية
اردفت بخوف : بس خايفه خايفه ما ارجع امشي
الرّيم : لاحول ولا قوة الا بالله ان شاء الله تمشين الدكتور قالك حالتك مستقرة وماشية على العلاجات خايفه ليش ؟
نسرين : مدري بس خايفة
الرّيم وهي تربت على كتفها بحنية : وكلي امرك لربي
يلا نروح البيت
هزت راسها بلا : لا ودي اجلس شوي انتِ روحي
الرّيم : متأكدة ؟
نسرين : اي ابي اجلس شوي مع نفسي
الرّيم : اجل اذا بغيتي شي دقي علي
تقدمت بعربيتها وهي تاخذ نفس
سليمان : ياعم ابي كرتونين موية ورز وعطني ثنين ببسي
طلع وهو شايل الاغراض ويحطها بالسيارة رفع راسه وهو ياخذ نفس لفت انتباهه نسرين الجالسة وهي شابكة يدينها
سكر باب السيارة وهو يتقدم لها
سليمان : السلام عليكم
فزت وهي ترفع راسها له : وووعليكم السلام
سليمان : شلونك ؟
نسرين : بخير
سليمان : تسمحين لي اجلس
ناظرت بالكرسي اللي جنبها وهي ترفع نظرها له : اي اجلس
سليمان : انتِ من متى وانتِ هنا ؟
نسرين وهي تشتت ارتباكها : ليش تسأل ؟
اردف بهدوء وهو ينظر ليدها اللي شابكتهم ببعض : انتِ تحسبيني مستقصد اني اصدمك؟
نسرين : انت جاي تغثني بسؤالك ذا ؟
سليمان : انتِ تدرين بعد الحادث طلع كلام اني قاتل واني متعمد ادعسك و
نسرين وهي تسكر اذنها : خلاااااص خلاص
فتح عينه بصدمه : بسم الله نسرين شفيك
نسرين وهي تبكي : خلاص ابعد عني انا بسببك صرت عمياء والكل كان يتكلم عني والحين مشلولة والكل شفقان علي واكبر مثال انت
سليمان : بس انا ماشفقت عليك !
نسرين : اجل ليش جالس عندي ؟!!!
وعى على نفسه وهو جالس عندها : اءءء انا مو قصدي شي نسرين والله
نسرين : اءءء اي مو قصدك شي قصدك تتشمت فيني
سليمان بأنفعال : نسرين لا ترفعين ضغطي لاتلبسيني تهم مالي فيها من تهمك
نسرين : خلاص بعد ابوي بيجي لايشوفك
سليمان بسخرية : اجل تبيني اجلس عندك ؟
ترا جيت عشان محد يتعرض لك وانتِ عاجزة عن الدفاع عن نفسك
نسرين بدموع : جاي تتشمت فيني
ما اقول غير يارب يذوقك اللي ذوقتنيه
استثقلت دعوتها على قلب سليمان :من قلب
مسحت دمعتها بسخرية منه : اي من قلب ليش ابوي ولا اخوي ولا زوجي عشان ما ادعي عليه
قطع كلامهم نور سيارة ناصر
نسرين : ابوي جاء ابعد لا يشوفك