" في حروب الارواح مالقيت الا انتِ يالروح الندية "

البارت السادس والخمسين

شرقت رحاب وهي تكح فزت مايا وهي تشرب امها مويتها
رحاب بغضب طفيف : ماسمعت ؟ شقلت
ابو راشد : يملكون ثم الله يستر عليه يسوي عمليته ويرجع يتزوجون هرجي به شي ؟
رحاب : راشد والنعم فيه بس خله يخلص عمليته ويرجع وتالي نشوف شيصير
راشد : ماعليه ياعمه ماهو ضارتني هالملكه مو يقولون خير البر عاجله ؟؟؟
سكتت رحاب وهي تقوم جت بتقوم مايا بس جلسها ابو راشد : اجلسي وانا ابوتس عيني من الله خير ثم الحقي امتس
مايا با ابتسامه : شبعت !
العنود بتغير للموضوع : يلا لا خلصتي روحي للدكان قبل يسكرر !!
قامت سُلاف وهي تلبس عبايتها وتطلع بسرعه
-
" الحارة "
الجدة ليالي بصراخ : الله يرجتس وقفي لوعتي تسبيدتي بطرش " يُكرم القارئ "
افنان بتحدي : صبر ياجدههه صبر قامت تفحط وهي تنثر التراب عليهم وهم يركضون
-
"سُلاف "
شدت على الورقه وهي تتكلم مع الراعي : محمد كم حساب ؟
الراعي : 78 مدت له الفلوس وهي تطلع اختل توازنها من شافت الاكياس ثقيلة تحملت وهي تمشي قاطعها صراخ عُدي وهو يشقح الخرفان والشاص وراه وصقر يعدي جنبه
راعي الغنم وهو يدور خرفانه ويمسكهم : جعلكم للي ماني بقايل يالحصني انت وياه !
صرخت سُلاف من طاح عليها عُدي وقفت افنان السيارة بسرعه قبل لاتدعسهم
سُلاف وهي تتأوه : ايييييييييي قومممم من فوقي ياحقير
ما انتبه عُدي لها وهو يتألم فزهم صراخ صقر : قمّ البنت تحتك بركت فوقها انت !
فز عُدي با انحراج : السموحه يابنت صالح ما انتبهت لتس !
سُلاف : يعوررر !  قام عُدي وهو يقومها ويساعدها بالاغراض استوعبت افنان وجدتها اللي انصدمت وارتعبت من الموقف : لا بارك الله فيتس
افنان بخفوت : بالغلط
الجده : رييوسي يالكلبه شغلتس بالبيت
رجعت افنان وهي ترجع للبيت
شال عُدي الاكياس منها وهو يوصلهم لبيتها وقفت وهي تشكره : ماقصرت اتعبتك معي
عُدي با ابتسامه : لا تعب ولا شي
ابتسمت سُلاف وهي تضحك : مع انك عصرتني بس يلا عوافي ضحك من ضحكها رفع ساعته وهو يتذكر اخوه ومرته اللي بيجون : يلا استأذنك بمشي
"بيت الجد جابر ال مسعد "
دخلوا والجدة ماسكه اذن افنان بعصبيه : يالحوسه انتِ ان شفتس ماسكة السيارة دعستك فيها تفهميننن ؟!
افنان بغضب : فهمت فهمت !
الجدة : انقلعي ! طلعت افنان وهي رافعه العبايه وبعصبيه دخلت عليهم انفجرت مسّك وحورية وهم يضحكون عليها
حورية بضحك : ياوكك ياوجيهها صاير حمر من الفراره بالشوارع
افنان بسدة نفس : لا ابشرك صاير حمر من الكف اللي ذقته من جدتي !
مسّك وهي ماسكه بطنها من الضحك : ياللي ماتخافين ربتس نثرتي التربان عليهم
عقدت حواجبها با استفسار : وش عرفتس ؟
مسّك : شفناك مع الدريشة حقت غرفة جدتي تطل للحاره
-
" بيت ابو راشد "
شالت الاكياس وكانت بتدخل الا باليد اللي سحبتها صرخت برعب منه سكر فمها وهو يفك لثمته : انا بسام يابنت !
سُلاف : شفيك ارعبتني !
بسام : من الكلب ذا اللي وصلتس؟!!
ضحكت بخفه : مسوي تغار يعني ؟
بسام بحدة : انا من غيرتي حتى الهواء لاتعداك اقول وش تبي ياهوى في حلالي !!
سُلاف ابتسمت بخجل : ابد هذا عُدي بس ساعدني ليش اني لحالي ومعي اغراض ثقيله
بسام : حلو حلو وتعرفين اسمه بعد !؟
سُلاف : افف بسام افف شالت الاكياس وهي تدخل
تلثم وهو يدق الجدار بقوه : احبك كثر هالدنيا يابنت صالح اههخخ ياكثر الحب بس !
" سلطان وهند "
دخلت غرفة الغسيل وهي شايلة تلفون البيت حطت الرقم وهي تتصل على محبوبها
سلطان : نعم ؟
غنت بصوتها العذب وهي تنطق مابين شفتيها :
"وانـا احـبك واقولـهـا لك كلمـــه خليها في بالـك "
اتسعت ابتسامته وهو يُكمل :
"انا مانـٰي آي عاشق انا لمـا اعــشق اغير والله لما اعشق اغيرررر"
هند : وحشتنييييي!
سلطان : نعنبوك لاتقولينها لا اجيك طاير !
ضحكت وهي تلعب بشعرها واظافرها : واعشقك واحبك ؟ في اكثر من كذا
سلطان : واللي يقولك انه يحبك قد هالدنيا ومافيها ويعشقتس عشقً مابعده هُـيام  تصدقيني ؟
هند : اصدقك واصدق ابوه بعد دامنك قد كلمتك لي ووعودك حبينا بعض ووعدتني تخطبني وينشبك اسمي بأسمك وصرت قدها من كلمه تظن ما اصدقك بعشّقك لي ؟
سلطان : بكلم الرّيم تخليني اقابل هالزين كله
هند بزعل : مو ملكنا ؟ ليش ماتجي تشوفني
سلطان : ولا يهمك اجيتس ببيتك واشوفك يا اخت سليمان دامنك تبين هالشي
هند : افاا وين راحوا ابوي وراشد ونايف ؟
ضحك وهو ينطق : مابينهم صادق الا اصغرهم سليمان اللي صدّق بحبه وخطب حُب حياته وعشيقته ماتبيني اقتدي فيه ياهنودتي ؟؟
ابتسمت بفخر : احسن ما اخترت !
سلطان : بجيكم اليوم واشوف حرم السُلطان تامرين على شي ؟
هند : احبـــك !! سكرت التلفون وهي تضحك
ضرب الطاوله : يارب عجل بزواجناااا !