" في حروب الارواح مالقيت الا انتِ يالروح الندية "

البارت الثامن والاربعين

انفجع من بكائها وكأنها اول مره تبكي كانت تشاهق بقوه
اقترب منها وهو متناسي انها ماتحل له : نجود قولي وشبلاك ؟
التزمت الصمت وهي تبكي
جلس امامها وهو ماسك يدينها ويناظر بعيونها من ورا البرقع  تأمل رموشها السود الطويلة والكثيفة وعيونها الوساع بلع ريقه با انجذاب وهو يسكتها : اهدي وقولي لي والله اني لا استر عليك اوعدك وعد رجال وفوق هذا توني حلفت لك على القرآن شفيتس مو مصدقتني
اخذت نفس وهي تسرد له القصة
مسك راسه من هول الجرائم اللي ارتكبتها امها استقام وهو ينطق بحدة : انتِ منجدتس تمزحين فوق ماطعنت ابوك مسكت مرت ابوك وذابحتها بغرفتها !
نجود بتذكير وهي تشاهق : ومسحنا الد/م
فارس بتذكر : ومسحتوا د/مها انتم اوادم ولا وش !
نجود بترجي وهي تمسك يدينه : تكفى لاتبلغ انا بوجهك تكفى !
بعد يدينها وهو يجلس وماسك راسه من هول الموقف : انا مدري شقولك !
نجود وهي تبكي : تكفى رجيتك انك ماتدخل امي السجن تكفى سالفه وعدّت وتسكرت القضية لاترجع كلشي
تكفى !
فارس : افكر وارد لك
اقتربت نجود بغضب وهي تضرب الطاولة بكف يدها بقوة وبصراخ : انت قلتلي بتستر علينا ووعدتني وعد رجال وحلفت على المصحف تمزح على طفله انت !
فز برعب وهو يقوم : اي اكلم طفلة طفله بعقلها بسواياها ! انتِ ترضين احد يسوي ب امك هالسوايا ؟
طبعاً لا !
نجود : قسم بالله اذا ماقفلت الموضوع اني لا اذبحك واخليك مريض بدال طبيب انت فاهم !
فار دمه بغضب وهو يمسك يدها بقوه : يلا خليني مريض على قولك يلاااا !
خافت من صراخه وهي تدفه وتطلع بسرعه 
ركضت وهي تركب التاكسي وتطلع من المستشفى وهي ماسكه يدينها بقوه وخوف وتتنفس بقوة
حست بكتمه بصدرها ودها تصرخخخ با اعلى صوتها !
-

رفعت ابريق الشاهي وهي تزلّه ( تصبه ) بثلاجة الشاهي
رفعت الصينية وهي تنادي عليه
طلع امير على صوتها : لبيه !
ابتسمت بخجل وما كأنها طاردته من شوي ! مدت له الصينية : امسك
ابتسم من خجلها وهو يدخل داخل
-
مقلط الرجّال
كان جالس الجد جابر وهو لابس نظارته ويقرأ القرآن بخشوع وبترتيل
عُدي : ياورع خلك !
صقر : كل تبن عاد تراني تحملتكم واجد والله اني لا اردها لك خل بس نطلع والله لا اغمسك بالطين يالاشهب !
ضحك عُدي ب اعلى صوته : والله انك تبشر وعلى هالخشم شتبي بعد ؟
صقر : انك تنطم !
عُدي : افاا ؟
ماجد وهو يسولف مع اخوه فايز عن الزواج وتخطيطهم له
ماجد : يابن الحلال عشاء الرجّال علي والله ماتتكلف به !
فايز با اصرار : لا يعني لا العشاء علي انا !
ماجد : معصي ! منتب دافع ريال واحد انت تسمع !
فايز : والله اني لا ادفع !
ماجد : ياولد اسمعني زين ا قاطعه عُدي : يبه خلاص دامنكم مُصرين تدفعون العشاء انت ادفع عشاء الرجال وانت ياعم عليك عشاء الحريم البوفيه ومن ذا كله !
صقر : اي والله انك صادق
سكر القرآن الجد وهو يهاوشهم بحدة : قم ياكلب انت وياه وانقلعوا برا  !
ماجد : بسم الله علامك يبه ؟
الجد جابر : من اليوم وانا اتنحنح لاجل تسكتون لكن محدً يسمع قموا انقلعوا !
عُدي : تبي اجيب لك ماء يالغالي ؟
الجد جابر بحدة : ابي فرقاكم من غير شر خذ ابوك وعمك واذلفوا ! خلوني اتعبد ربي !
صقر وهو ينسدح : الله ياجدي ياحبيلك بس تدري لو بجيب ورع بالمستقبل علي بالحناث اني لا اسميه جابر
مسك راسه الجد جابر : انقلع انت وولدك معهم مابيلكم تسميه ابد !
صقر : لا لا انا بجلس اهمز رجيلاتك
رفع عصاته الجد وهو يرميها عليه فز صقر بسرعه وهو يقوم صرخ الجد : جبها !
رجع صقر وهو يعطيه ويطلع ورا خواله بسرعه صدم ب امير وطاحت الصينية من يده والكاسات تكسرت والثلاجة معهم
امير : لا اله الا الله! ابك علامك !
صقر وهو يركض قبل تصيبه عصاة جده
طاح عُدي على ركبه وهو يضحك بقوة عليه
-
" داخل البيت "
الجدة وهي ماسكة المعلاق " علاقة الملابس " : منا منا همزيني
مسك بتعب : اففف ياجدة والله تعبت مره هنا ومر هنا اثبتي بمكان واحد !
الجدة وهي توسع عيونها : ايا قليلة الادب همزي وانتِ ساكته ! التفتت لـ افنان اللي جالسه على جوالها وتاركة شغلها : افنانن قومي قامت عصاياك استغفرالله !
فزت بخوف وهي تمسّح
مايا وهي رابطه الطرحة على خصرها وترقص وتضحك مع جُمان